ਸਰੀ ਸਿਟੀ ਕੌਂਸਲ ਨੇ ਮੇਅਰ ਅਤੇ ਕੌਂਸਲਰਾਂ ਲਈ ਤਨਖਾਹਾਂ ਵਾਧੇ ’ਤੇ ਵੋਟਿੰਗ ਕੀਤੀ ਮੁਲਤਵੀ

ਸਰੀ ਸਿਟੀ ਕੌਂਸਲ ਨੇ ਮੇਅਰ ਅਤੇ ਕੌਂਸਲਰ ਦੀਆਂ ਤਨਖ਼ਾਹਾਂ ਵਿਚ 8 ਫੀਸਦੀ ਵਾਧੇ ਦੇ ਸਿਫਾਰਸ਼ ’ਤੇ ਵੋਟਿੰਗ ਨੂੰ 2025 ਵਿਚ ਕੌਂਸਲ ਦੀ ਪਹਿਲੀ ਮੀਟਿੰਗ ਤੱਕ ਟਾਲ ਦਿੱਤਾ ਹੈ, ਜੋ ਕਿ 13 ਜਨਵਰੀ ਨੂੰ ਰੱਖੀ ਗਈ ਹੈ। ਇਸ ਪ੍ਰਸਤਾਵ ’ਤੇ ਸੋਮਵਾਰ ਰਾਤ ਵੋਟਿੰਗ ਹੋਣੀ ਸੀ ਪਰ ਮੇਅਰ ਬ੍ਰੈਂਡਾ ਲੌਕ ਵੋਟ ਲਈ ਹਾਜ਼ਰ ਨਹੀਂ ਸੀ।

ਉਨ੍ਹਾਂ ਦੀ ਥਾਂ ’ਤੇ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਕੌਂਸਲਰ ਹੈਰੀ ਬੈਂਸ ਨੇ ਇਸ ਨੂੰ ਏਜੰਡਾ ਵਿਚੋਂ ਹਟਾਉਣ ਲਈ ਕਿਹਾ। ਉਨ੍ਹਾਂ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਇਸ ’ਤੇ ਵੋਟਿੰਗ ਕਰਦੇ ਸਮੇਂ ਕੌਂਸਲ ਦੇ ਸਾਰੇ ਮੈਂਬਰਸ ਦਾ ਹੋਣਾ ਚਾਹੀਦਾ ਹੈ, ਇਸ ਲਈ ਸਟਾਫ ਨੂੰ ਅਗਲੀ ਬੈਠਕ ਵਿਚ ਇਹ ਰਿਪੋਰਟ ਲੈ ਕੇ ਆਉਣ ਲਈ ਕਿਹਾ ਜਾਂਦਾ ਹੈ।

ਗੌਰਤਲਬ ਹੈ ਕਿ ਜੇ ਸਰੀ ਸਿਟੀ ਕੌਂਸਲ ਬਹੁਮਤ ਨਾਲ ਤਨਖਾਹ ਵਾਧੇ ਦੇ ਪੱਖ ਵਿਚ ਵੋਟ ਕਰਦੀ ਹੈ ਤਾਂ ਇਸ ਨੂੰ 1 ਜਨਵਰੀ 2025 ਤੋਂ ਲਾਗੂ ਮੰਨਿਆ ਜਾਵੇਗਾ, ਜਿਸ ਤਹਿਤ ਮੇਅਰ ਬ੍ਰੈਂਡਾ ਲੌਕ ਦੀ ਤਨਖਾਹ $171,150 ਤੋਂ $13,749 ਵੱਧ ਕੇ $184,899 ਅਤੇ 8 ਸਿਟੀ ਕੌਂਸਲਰ ਦੀ ਤਨਖਾਹਾਂ $87,287 ਤੋਂ $7,011 ਵੱਧ ਕੇ $94,298 ਹੋ ਜਾਵੇਗੀ।