21.74C Vancouver 21.74C VancouverJun 23, 2025 6:06 PM - Connect Newsroom
ਸਰੀ ਸਿਟੀ ਵਲੋਂ ਸ਼ਹਿਰ ਭਰ ਵਿਚ ਬੱਸ ਸ਼ੈਲਟਰ ਬਣਾਏ ਜਾਣ ਦਾ ਪਲੈਨ ਹੈ। ਕੌਂਸਲ ਇਸ ਨੂੰ ਸ਼ੁਰੂ ਕਰਨ ਲਈ 2-ਪੜਾਅਵਾਰ ਪ੍ਰੋਜੈਕਟ 'ਤੇ ਵਿਚਾਰ ਕਰ ਰਹੀ ਹੈ। ਸਰੀ ਵਿਚ 1,425 ਬੱਸ ਸਟਾਪ ਹਨ, ਜਿਨ੍ਹਾਂ ਵਿਚੋਂ ਸਿਰਫ 362 ਵਿਚ ਸ਼ੈਲਟਰ ਦੀ ਵਿਵਸਥਾ ਹੈ।
ਸ਼ਹਿਰ ਦੇ ਮੁੱਖ ਇੰਜੀਨੀਅਰਿੰਗ ਸਕਾਟ ਨਿਊਮੈਨ ਵਲੋਂ ਕੌਂਸਲ ਨੂੰ ਸੌਂਪੀ ਗਈ ਰਿਪੋਰਟ ਵਿਚ ਜੁਲਾਈ ਤੋਂ ਦੋ ਫੇਜ਼ ਵਿਚ ਸਰੀ ਭਰ ਵਿਚ ਵੱਧ ਤੋਂ ਵੱਧ ਬੱਸ ਸ਼ੈਲਟਰ ਸਥਾਪਤ ਕਰਨ ਦੀ ਗੱਲ ਕਹੀ ਗਈ ਹੈ।
ਨਿਊਮੈਨ ਨੇ ਆਪਣੀ ਰਿਪੋਰਟ ਵਿਚ ਕਿਹਾ ਹੈ ਕਿ ਮੈਟਰੋ ਵੈਨਕੂਵਰ ਦੇ ਹੋਰ ਸ਼ਹਿਰਾਂ ਨਾਲੋਂ ਸਰੀ ਵਿਚ ਟਰਾਂਜ਼ਿਟ ਸਵਾਰੀਆਂ ਦੀ ਗਿਣਤੀ ਤੇਜ਼ੀ ਨਾਲ ਵੱਧ ਰਹੀ ਹੈ। ਇਸ ਲਈ ਆਵਾਜਾਈ ਦੇ ਉਪਭੋਗਤਾ ਲਈ ਮੌਸਮ ਤੋਂ ਸੁਰੱਖਿਆ ਵਧਾਉਣਾ ਤਰਜੀਹ ਹੈ।
ਰਿਪੋਰਟ ਮੁਤਾਬਕ, ਬੱਸ ਸ਼ੈਲਟਰ ਸਥਾਪਤ ਕਰਨ ਜਾਂ ਬਣਾਉਣ ਦਾ ਪਹਿਲਾ ਪੜਾਅ ਜੁਲਾਈ ਤੋਂ ਸਤੰਬਰ ਹੋਵੇਗਾ ਅਤੇ ਦੂਜਾ ਪੜਾਅ ਸਤੰਬਰ ਤੋਂ ਦਸੰਬਰ ਤੱਕ ਹੋਵੇਗਾ।
