13.09C Vancouver 13.09C VancouverNov 25, 2024 8:04 PM - Connect Newsroom
ਸਰੀ ਸਿਟੀ ਨੇ ਫਰੇਜ਼ਰ ਹਾਈਵੇਅ ਦੇ ਨਾਲ 8 ਨਵੇਂ ਸਕਾਈ ਟਰੇਨ ਸਟੇਸ਼ਨ ਬਣਾਉਣ ਦਾ ਪ੍ਰਸਤਾਵ ਕੀਤਾ ਹੈ, ਜਿਸ ਦੇ ਡਿਜ਼ਾਈਨ ਸਬੰਧੀ 28 ਨਵੰਬਰ ਤੋਂ 12 ਦਸੰਬਰ ਤੱਕ ਜਨਤਕ ਫੀਡਬੈਕ ਦੀ ਮੰਗ ਕੀਤੀ ਗਈ ਹੈ।
ਸਰੀ ਸਿਟੀ ਨੇ ਕਿਹਾ ਕਿ ਟਰਾਂਜ਼ਿਟ ਦੀ ਵਧਦੀ ਮੰਗ ਨੂੰ ਪੂਰਾ ਕਰਨ ਲਈ ਸਰੀ ਅਤੇ ਲੈਂਗਲੇ ਸਕਾਈ ਟਰੇਨ ਪ੍ਰੋਜੈਕਟ ’ਤੇ ਕੰਮ ਕੀਤਾ ਜਾ ਰਿਹਾ ਹੈ। ਲੈਂਗਲੇ ਸਕਾਈ ਟਰੇਨ ਪ੍ਰੋਜੈਕਟ ਮੌਜੂਦਾ ਐਕਸਪੋ ਲਾਈਨ ਦਾ ਹੀ ਵਿਸਥਾਰ ਹੈ, ਜੋ ਫਰੇਜ਼ਰ ਹਾਈਵੇਅ ਦੇ ਨਾਲ ਸਰੀ ਵਿਚ ਕਿੰਗ ਜਾਰਜ ਸਕਾਈ ਟਰੇਨ ਤੋਂ ਹੁੰਦੇ ਹੋਏ ਲੈਂਗਲੇ ਸਿਟੀ ਸੈਂਟਰ ਵਿਚ 203 ਸਟ੍ਰੀਟ ਤੱਕ ਹੋਵੇਗਾ।
ਇਸ ਵਿਚ 8 ਨਵੇਂ ਸਟੇਸ਼ਨ ਅਤੇ ਤਿੰਨ ਨਵੇਂ ਟਰਾਂਜ਼ਿਟ ਐਕਸਚੇਂਜ ਹੋਣਗੇ। ਇਸ ਨਾਲ ਮੈਟਰੋ ਵੈਨਕੂਵਰ ਵਿਚ ਖੇਤਰੀ ਆਵਾਜਾਈ ਵਿਚ ਸੁਧਾਰ ਹੋਵੇਗਾ। ਸਰੀ ਸਿਟੀ ਮੁਤਾਬਕ, ਇੱਕ ਵਾਰ ਇਹ ਪ੍ਰੋਜੈਕਟ ਮੁਕੰਮਲ ਹੋਣ ’ਤੇ ਲੈਂਗਲੇ ਸਿਟੀ ਸੈਂਟਰ ਤੋਂ ਕਿੰਗ ਜਾਰਜ ਸਟੇਸ਼ਨ ਤੱਕ ਦਾ ਸਫਰ 22 ਮਿੰਟ ਦਾ ਰਹਿ ਜਾਵੇਗਾ।
