20.19C Vancouver 20.19C VancouverOct 4, 2022 10:06 PM - Connect News
ਸਰੀ ਫੌਰਵਰਡ ਦੀ ਮੇਅਰਲ ਕੈਂਡੀਡੇਟ ਜਿਨੀ ਸਿਮਸ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਨੂੰ ਮੇਅਰਲ ਦੌੜ 'ਚ ਜਿੱਤ ਹਾਸਿਲ ਹੁੰਦੀ ਹੈ ਤਾਂ ਸ਼ਹਿਰ 'ਚ ਇੱਕ ਨਵਾਂ ਪ੍ਰਫਾਰਮਿੰਗ ਆਰਟਸ ਸੈਂਟਰ, ਐਂਟਰਟੇਨਮੈਂਟ ਡਿਸਟ੍ਰਿਕਟ ਅਤੇ 10,000 ਸੀਟਾਂ ਦੀ ਕਪੈਸਿਟੀ ਵਾਲਾ ਸਟੇਡੀਅਮ ਉਸਾਰਿਆ ਜਾਵੇਗਾ।
ਇਹ ਉਸਾਰੀ ਟੌਮ ਬਿਨੀ ਪਾਰਕ ਇਲਾਕੇ 'ਚ ਕੀਤੀ ਜਾਵੇਗੀ।
ਇਸੇ ਪ੍ਰੋਜੈਕਟ 'ਚ ਨਵੀਆਂ ਆਫਿਸ ਇਮਾਰਤਾਂ ਅਤੇ ਰੈਜ਼ੀਡੈਂਸ਼ੀਅਲ ਟਾਵਰ ਸਥਾਪਿਤ ਕਰਨ ਦੀ ਗੱਲ ਵੀ ਆਖੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਇਲਾਕੇ ਵਿੱਚ 2 ਥੀਏਟਰਸ ਵਾਲਾ ਪ੍ਰਫਾਰਮਿੰਗ ਆਰਟਸ ਸੈਂਟਰ ਹੋਵੇਗਾ।
ਇਸ 'ਚ ਇੱਕ ਥੀਏਟਰ 'ਚ 800 ਤੋਂ 1,400 ਸੀਟਾਂ ਵਿਚਾਲੇ ਦੀ ਕਪੈਸਿਟੀ ਹੋਵੇਗੀ।
ਇਸ 'ਚ ਕਲਚਰਲ ਡਾਂਸ ਪ੍ਰਫਾਰਮੈਂਸ ਤੋਂ ਇਲਾਵਾ, ਬਰੌਡਵੇ ਸ਼ੋਅ, ਮਿਊਜੀਕਲ ਐਕਟ ਆਦਿ ਦਾ ਪ੍ਰਬੰਧ ਕੀਤਾ ਜਾ ਸਕੇਗਾ।
ਦੂਜੇ ਥੀਏਟਰ ਵਿੱਚ 200 ਤੋਂ 400 ਸੀਟਾਂ ਹੋਣਗੀਆਂ।
ਐਂਟਰਟੇਨਮੈਂਟ ਡਿਸਟ੍ਰਿਕਟ 'ਚ ਰੈਸਟੂਰੈਂਟ ਆਦਿ ਹੋਣਗੇ। ਸੌਕਰ ਸਟੇਡੀਅਮ ਦੀ ਉਸਾਰੀ ਨਾਲ ਕਨੇਡੀਅਨ ਪ੍ਰੀਮਿਅਰ ਲੀਗ ਦੇ ਸਟਾਈਲ ਦੇ ਕਲੱਬ ਨੂੰ ਆਕਰਸ਼ਿਤ ਕਰਨ ਦੀ ਕੋਸ਼ਿਸ਼ ਹੋਵੇਗੀ।
ਇਸ 'ਚ ਮਰਦਾਂ ਅਤੇ ਔਰਤਾਂ ਦੀ ਪ੍ਰੋਫੈਸ਼ਨਲ ਟੀਮ ਨੂੰ ਮੌਕਾ ਦੇਣ ਦੀ ਗੱਲ ਆਖੀ ਗਈ ਹੈ।
ਜਿਨੀ ਸਿਮਸ ਦਾ ਕਹਿਣਾ ਹੈ ਕਿ ਇਹ ਪ੍ਰੋਜੈਕਟ ਸਾਲ 2026 ਤਕ ਪੂਰਾ ਕਰ ਲਿਆ ਜਾਵੇਗਾ।
