11.92C Vancouver 11.92C VancouverNov 1, 2021 7:32 PM - The Canadian Press
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਹਿਟ ਐਂਡ ਰਨ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾ 'ਚ ਇੱਕ ਔਰਤ ਦੀ ਮੌਤ ਹੋ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ 66 ਸਾਲਾ ਔਰਤ ਈਸਟ ਬਰੌਡਵੇ ਅਤੇ ਕਮਰਸ਼ਲ ਡਰਾਈਵ ਦੇ ਇਲਾਕੇ 'ਚ ਸ਼ਨੀਵਾਰ ਰਾਤ ਦੇ ਸਮੇਂ ਤੁਰ ਕੇ ਜਾ ਰਹੀ ਸੀ।
ਇਸੇ ਦੌਰਾਨ ਇੱਕ ਵਾਹਨ ਦੀ ਉਸ ਨਾਲ ਟੱਕਰ ਹੋਈ ਅਤੇ ਵਾਹਨ ਨੂੰ ਮੌਕੇ 'ਤੇ ਰੋਕਿਆ ਨਹੀਂ ਗਿਆ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸ਼ੱਕੀ ਵਾਹਨ ਨੂੰ ਈਸਟ ਵੈਨਕੂਵਰ 'ਚ ਵੇਖਿਆ ਗਿਆ।
ਮਾਮਲੇ 'ਚ ਸਰੀ ਦੇ ਇੱਕ 30 ਸਾਲਾ ਨਿਵਾਸੀ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਪੁਲਿਸ ਨੇ ਫਿਲਹਾਲ ਪੀੜਤ ਔਰਤ ਜਾਂ ਸ਼ੱਕੀ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਹੈ।
ਇਸ ਘਟਨਾ 'ਚ ਸ਼ਾਮਿਲ ਵਾਹਨ ਨੂੰ ਐਕੁਰਾ ਟੀ.ਐਲ.ਐਕਸ. ਗੱਡੀ ਦੱਸਿਆ ਗਿਆ ਹੈ।
ਘਟਨਾ 'ਚ ਰਫਤਾਰ ਅਤੇ ਸ਼ਰਾਬ ਦੇ ਸੇਵਨ ਨੂੰ ਕਾਰਨ ਮੰਨਿਆ ਜਾ ਰਿਹਾ ਹੈ।
