ਸਰੀ 'ਚ ਜਾਨਲੇਵਾ ਹਾਦਸੇ ਨੂੰ ਅੰਜਾਮ ਦੇਣ ਵਾਲੇ ਵਿਅਕਤੀ 'ਤੇ ਲੱਗੇ ਕਈ ਚਾਰਜਿਜ਼

ਸਰੀ ਦੇ ਇੱਕ ਵਿਅਕਤੀ 'ਤੇ ਫਰਵਰੀ 2024 ਵਿਚ ਦੇਰ ਰਾਤ ਹੋਏ ਇੱਕ ਹਾਦਸੇ ਦੇ ਸਬੰਧ ਵਿਚ ਨਸ਼ੇ ਦੀ ਹਾਲਤ ਵਿਚ ਗੱਡੀ ਚਲਾਉਣ ਦੇ ਕਈ ਚਾਰਜਿਜ਼ ਲਗਾਏ ਗਏ ਹਨ, ਇਸ ਹਾਦਸੇ ਵਿਚ ਮੈਪਲ ਰਿਜ ਦੀਆਂ ਦੋ ਲੜਕੀਆਂ ਦੀ ਮੌਤ ਹੋ ਗਈ ਸੀ ਅਤੇ ਤਿੰਨ ਹੋਰ ਲੋਕ ਗੰਭੀਰ ਰੂਪ ਵਿਚ ਜ਼ਖਮੀ ਹੋਏ ਸਨ।

ਲੜਕੀਆਂ ਉਬੇਰ ਕਾਰ ਵਿਚ ਘਰ ਜਾ ਰਹੀਆਂ ਸਨ, ਜਦੋਂ ਉਸ ਨੂੰ ਇੱਕ ਐਸ.ਯੂ.ਵੀ. ਨੇ ਟੱਕਰ ਮਾਰ ਦਿੱਤੀ। ਇਹ ਹਾਦਸਾ 18 ਫਰਵਰੀ 2024 ਨੂੰ ਦੇਰ ਰਾਤ 3 ਵਜੇ ਦੇ ਕਰੀਬ ਬਰਨਬੀ ਵਿਚ ਸਪ੍ਰੌਟ ਸਟ੍ਰੀਟ ਐਗਜ਼ਿਟ ਨੇੜੇ ਟਰਾਂਸ-ਕਨੇਡਾ ਹਾਈਵੇ 'ਤੇ ਹੋਇਆ ਸੀ।

ਇਸ ਟੱਕਰ ਵਿਚ ਮਾਰੀਆਂ ਗਈਆਂ ਦੋ ਲੜਕੀਆਂ ਦੀ ਉਮਰ 20 ਅਤੇ 23 ਸਾਲ ਸੀ। ਮੈਪਲ ਰਿਜ ਦੀਆਂ ਦੋ ਹੋਰ ਲੜਕੀਆਂ ਗੰਭੀਰ ਰੂਪ ਵਿਚ ਜ਼ਖਮੀ ਹੋਈਆਂ ਸਨ, ਜੋ ਕਿ 20 ਸਾਲਾਂ ਦੀਆਂ ਸਨ। ਬਰਨਬੀ ਆਰਸੀਐਮਪੀ ਨੇ 35 ਸਾਲਾ ਚੀ ਸਨ ਪਾਰਕ 'ਤੇ ਟੇਸਲਾ ਅਤੇ ਮਿਨੀਵੈਨ ਵਿਚਕਰ ਹੋਈ ਟੱਕਰ ਦੇ ਸਬੰਧ ਵਿਚ 15 ਚਾਰਜਿਜ਼ ਲਗਾਏ ਹਨ। ਪਾਰਕ ਨੂੰ 24 ਜੁਲਾਈ ਨੂੰ ਵੈਨਕੂਵਰ ਪ੍ਰੋਵਿੰਸ਼ੀਅਲ ਕੋਰਟ ਵਿਚ ਪੇਸ਼ ਕੀਤਾ ਜਾਵੇਗਾ।