19.36C Vancouver 19.36C VancouverJan 5, 2026 5:44 PM - Connect Newsroom - Jasmine Singh
ਸਰੀ ਦੀ ਇੱਕ 33 ਸਾਲਾ ਮਹਿਲਾ ਦੇ ਲਾਪਤਾ ਹੋਣ ਦੇ ਮਾਮਲੇ ਵਿਚ ਐਸ.ਪੀ.ਐਸ. ਅਤੇ ਆਰ.ਸੀ.ਐਮ.ਪੀ.ਦੀ ਸਰੀ ਪ੍ਰੋਵਿੰਸ਼ੀਅਲ ਓਪਰੇਸ਼ਨਜ਼ ਸਪੋਰਟ ਯੂਨਿਟ ਨੇ ਜਨਤਾ ਤੋਂ ਉਸ ਦੀ ਭਾਲ ਵਿਚ ਮਦਦ ਮੰਗੀ ਹੈ।
ਲਾਪਤਾ ਮਹਿਲਾ ਦੀ ਪਛਾਣ ਜੋਆਨਾ ਬਾਰਥ ਵਜੋਂ ਦੱਸੀ ਗਈ ਹੈ, ਉਸ ਨੂੰ ਆਖਰੀ ਵਾਰ 20 ਦਸੰਬਰ, 2025 ਨੂੰ ਸਵੇਰੇ ਲਗਭਗ 7:30 ਵਜੇ ਸਰੀ ਦੇ ਫੌਕਸਗਲੋਵ ਡਰਾਈਵ ਦੇ 9800 ਬਲਾਕ ਵਿਚ ਦੇਖਿਆ ਗਿਆ ਸੀ। ਉਸ ਦਿਨ ਤੋਂ ਬਾਅਦ ਜੋਆਨਾ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ ਅਤੇ ਨਾ ਹੀ ਉਸ ਦਾ ਕਿਸੇ ਨਾਲ ਕੋਈ ਸੰਪਰਕ ਹੋਇਆ ਹੈ।
ਸਰੀ ਪੁਲਿਸ ਵਲੋਂ ਜਾਰੀ ਕੀਤੇ ਵੇਰਵਿਆਂ ਅਨੁਸਾਰ ਜੋਆਨਾ ਬਾਰਥ ਇੱਕ ਇੰਡੀਜਨਸ ਮਹਿਲਾ ਹੈ। ਦੱਸਿਆ ਗਿਆ ਹੈ ਕਿ ਉਹ ਅਕਸਰ ਆਪਣੇ ਵਾਲ ਰੰਗ ਕੇ ਰੱਖਦੀ ਹੈ। ਪੁਲਿਸ ਪ੍ਰਸ਼ਾਸਨ ਨੇ ਡੂੰਘੀ ਚਿੰਤਾ ਪ੍ਰਗਟ ਕਰਦਿਆਂ ਕਿਹਾ ਹੈ ਕਿ ਜੋਆਨਾ ਲੰਮੇ ਸਮੇਂ ਤੋਂ ਆਪਣੇ ਕਮਿਊਨਿਟੀ ਸਪੋਰਟ ਸਿਸਟਮ ਤੋਂ ਦੂਰ ਹੈ ਅਤੇ ਉਸ ਦੀ ਸਹੀ ਸਲਾਮਤੀ ਨੂੰ ਲੈ ਕੇ ਖਦਸ਼ਾ ਬਣਿਆ ਹੋਇਆ ਹੈ। ਜੇ ਕਿਸੇ ਕੋਲ ਵੀ ਉਸ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਉਹ ਤੁਰੰਤ ਐਸ.ਪੀ.ਐਸ. ਨੂੰ 604-599-0502 'ਤੇ ਫ਼ੋਨ ਕਰ ਸਕਦਾ ਹੈ।
