12.01C Vancouver 12.01C VancouverNov 6, 2025 5:36 PM - "Connect Newsroom - Jasmine Singh with files from The Canadian Press"
ਸਰੀ ਪੁਲਿਸ ਸਰਵਿਸ ਨੇ 2025 ਵਿਚ ਹੁਣ ਤੱਕ ਸ਼ਹਿਰ ਵਿਚ 54 ਧਿਆਨ ਭੰਗ ਚੋਰੀ ਦੀਆਂ ਵਾਰਦਾਤਾਂ ਦੇ ਮਾਮਲੇ ਦਰਜ ਕੀਤੇ ਹਨ, ਜਿਨ੍ਹਾਂ ਵਿਚ ਖਾਸ ਤੌਰ 'ਤੇ ਸੀਨੀਅਰਜ਼ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਇਸ ਤਰ੍ਹਾਂ ਦੇ ਮਾਮਲੇ ਬਰੈਂਪਟਨ ਅਤੇ ਬੀ. ਸੀ. ਦੇ ਹੋਰ ਇਲਾਕਿਆਂ ਸਮੇਤ ਕੈਨੇਡਾ ਦੇ ਭਰ ਕਈ ਸ਼ਹਿਰਾਂ ਵਿਚ ਵੀ ਆਏ ਹਨ, ਜਿਥੇ ਬਜ਼ੁਰਗਾਂ ਦਾ ਧਿਆਨ ਭਟਕਾ ਕੇ ਉਨ੍ਹਾਂ ਦੇ ਕੀਮਤੀ ਸਾਮਾਨ ਜਾਂ ਗਹਿਣਿਆਂ ਦੀ ਚੋਰੀ ਕਰ ਲਈ ਜਾਂਦੀ ਹੈ।
ਸਰੀ ਪੁਲਿਸ ਸਰਵਿਸ 6 ਤੋਂ 12 ਨਵੰਬਰ ਤੱਕ ਨੈਸ਼ਨਲ ਸੀਨੀਅਰ ਸੇਫਟੀ ਵੀਕ ਦੌਰਾਨ ਇਸ ਬਾਰੇ ਜਾਗਰੂਕਤਾ ਸ਼ੁਰੂ ਕਰ ਰਹੀ ਹੈ, ਜਿਸ ਵਿਚ ਇਨ੍ਹਾਂ ਟਾਰਗੇਟਡ ਕ੍ਰਾਈਮ ਤੋਂ ਬਚਣ ਲਈ ਪ੍ਰੈਕਟੀਕਲ ਸੇਫਟੀ ਟਿਪਸ ਦਿੱਤੇ ਜਾਣਾ ਵੀ ਸ਼ਾਮਲ ਹੈ।
ਪੁਲਿਸ ਮੁਤਾਬਕ, ਇਨ੍ਹਾਂ ਘਟਨਾਵਾਂ ਵਿਚ ਆਮ ਤੌਰ 'ਤੇ ਇੱਕ ਜਾਂ ਦੋ ਲੋਕ ਕਿਸੇ ਬਜ਼ੁਰਗ ਨੂੰ ਰਸਤਾ ਪੁੱਛਣ ਦੇ ਬਹਾਨੇ ਰੋਕਦੇ ਹਨ ਅਤੇ ਫਿਰ ਕੀਮਤੀ ਚੀਜ਼ਾਂ ਚੋਰੀ ਕਰਨ ਜਾਂ ਅਸਲੀ ਗਹਿਣਿਆਂ ਨੂੰ ਨਕਲੀ ਨਾਲ ਬਦਲਣ ਲਈ ਗਲੇ ਮਿਲਣ, ਹੱਥ ਮਿਲਾਉਣ, ਜਾਂ ਪੈਰੀ ਹੱਥ ਲਾਉਣ ਵਰਗੀਆਂ ਧਿਆਨ ਭਟਕਾਉਣ ਵਾਲੀਆਂ ਤਕਨੀਕਾਂ ਦੀ ਵਰਤੋਂ ਕਰਦੇ ਹਨ। ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਨੂੰ ਰੋਕਣ ਲਈ ਐਸ.ਪੀ.ਐਸ.ਅਤੇ ਸਿਟੀ ਔਫ ਸਰੀ ਨੇ ਲੋਕਾਂ ਨੂੰ ਘਰ ਵਿਚ ਬਜ਼ੁਰਗਾਂ ਨਾਲ ਜਾਣਕਾਰੀ ਸਾਂਝੀ ਕਰਨ ਲਈ ਕਿਹਾ ਹੈ।
