13C Vancouver 13C VancouverMay 5, 2020 1:28 AM -
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇੱਕ ਟਿੱਪ ਮਿਲਣ ਤੋਂ ਬਾਅਦ ਹਰਕਤ 'ਚ ਆਈ ਪੁਲਿਸ ਨੇ ਵੱਡੀ ਗਿਣਤੀ 'ਚ ਕੈਸ਼, ਗੈਰਕਨੂੰਨੀ ਡਰੱਗਸ ਅਤੇ ਹਥਿਆਰ ਬਰਾਮਦ ਕੀਤੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਕਰੀਬ ਇੱਕ ਮਹੀਨੇ ਦੀ ਜਾਂਚ ਤੋਂ ਬਾਅਦ, ਨਿਊਟਨ ਦੇ ਇਲਾਕੇ 'ਚ ਤਲਾਸ਼ੀ ਲਈ ਗਈ।
ਮਾਮਲਾ ਬੀਤੇ ਮੰਗਲਵਾਰ ਦਾ ਦੱਸਿਆ ਗਿਆ ਹੈ।
ਅਫਸਰਾਂ ਨੇ 15,000 ਡਾਲਰ ਤੋਂ ਵਧੇਰੇ ਕੈਸ਼, ਸ਼ੱਕੀ ਗੈਰਕਨੂੰਨੀ ਡਰੱਗਸ ਜਿਸਦੇ ਵਿੱਚ ਮੈਥਮਫਿਟਾਮਿਨ ਅਤੇ ਫੈਂਟਾਨਿਲ ਵੀ ਸ਼ਾਮਿਲ ਸਨ, ਚਾਕੂ, ਤਲਵਾਰਾਂ ਅਤੇ ਇੱਕ ਬੰਦੂਕ ਜਬਤ ਕੀਤੀ।
ਮਾਮਲੇ 'ਚ 2 ਮਰਦ ਅਤੇ 2 ਔਰਤਾਂ ਨੂੰ ਗਿਰਫਤਾਰ ਕੀਤਾ ਗਿਆ ਸੀ।
ਹਾਲਾਂਕਿ ਜਾਂਚ ਪੂਰੀ ਹੋਣ ਤਕ ਇਨ੍ਹਾਂ ਨੂੰ ਛੱਡ ਦਿੱਤਾ ਗਿਆ ਹੈ ਅਤੇ ਇਨ੍ਹਾਂ 'ਤੇ ਇਲਜਾਮ ਵੀ ਜਾਂਚ ਤੋਂ ਬਾਅਦ ਹੀ ਤੈਅ ਕੀਤੇ ਜਾਣਗੇ।
