10.1C Vancouver 10.1C VancouverSep 1, 2022 1:13 AM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਟਵੇਨ ਲੌਇਡ ਨਾਮ ਦੇ ਇੱਕ ਵਿਅਕਤੀ ਦੀ ਭਾਲ 'ਚ ਮਦਦ ਲਈ ਅਪੀਲ ਕੀਤੀ ਗਈ ਹੈ।
ਇਸ ਵਿਅਕਤੀ ਦੀ ਕੈਨੇਡਾ ਵਾਈਡ ਵਾਰੰਟ 'ਤੇ ਭਾਲ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਇਸ ਤੋਂ ਪਹਿਲਾਂ ਇਸੇ ਸਾਲ 19 ਅਪ੍ਰੈਲ ਨੂੰ ਇੱਕ ਮੀਡੀਆ ਰਿਲੀਜ ਜਾਰੀ ਕਰ ਦੱਸਿਆ ਸੀ ਕਿ ਟਵੇਨ ਲੌਇਡ ਦੀ ਭਾਲ ਇੱਕ ਸ਼ੂਟਿੰਗ ਦੇ ਮਾਮਲੇ 'ਚ ਕੀਤੀ ਜਾ ਰਹੀ ਹੈ ਅਤੇ ਉਸੇ ਦਿਨ ਇਹ ਵਿਅਕਤੀ ਵੈਨਕੂਵਰ 'ਚ ਲੋਕੇਟ ਕਰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਹਾਲਾਂਕਿ 27 ਅਪ੍ਰੈਲ ਨੂੰ ਇਸ ਵਿਅਕਤੀ ਨੂੰ ਕੋਰਟ ਵੱਲੋਂ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ ਅਤੇ ਉਸ ਨੂੰ 4 ਅਗਸਤ ਨੂੰ ਕੋਰਟ 'ਚ ਹਾਜਿਰ ਹੋਣ ਲਈ ਕਿਹਾ ਗਿਆ ਸੀ।
28 ਸਾਲਾ ਯੁਵਕ ਕੋਰਟ 'ਚ ਪੇਸ਼ ਨਹੀਂ ਹੋਇਆ ਅਤੇ ਇਸ ਦੇ ਚਲਦਿਆਂ ਉਸ ਦੀ ਗ੍ਰਿਫਤਾਰੀ ਲਈ ਵਾਰੰਟ ਜਾਰੀ ਕਰ ਦਿੱਤਾ ਗਿਆ।
ਇਸ ਯੁਵਕ 'ਤੇ ਐਗਰਾਵੇਟਿਡ ਅਸਾਲਟ, ਸੋਚ ਸਮਝ ਕੇ ਗੋਲੀ ਚਲਾਉਣ, ਅਤੇ ਇੰਡਿਕਟੇਬਲ ਅਪਰਾਧ ਲਈ ਹਥਿਆਰ ਦੀ ਵਰਤੋਂ ਦੇ ਦੋਸ਼ ਲੱਗੇ ਹਨ। ਪੁਲਿਸ ਨੇ ਦੱਸਿਆ ਕਿ ਇਸ ਵਿਅਕਤੀ ਨੂੰ ਗੁੱਚੀ ਦੇ ਨਾਮ ਤੋਂ ਵੀ ਜਾਣਿਆ ਜਾਂਦਾ ਹੈ।
ਇਸ ਦਾ ਕੱਦ ਕਰੀਬ 6'3" ਅਤੇ ਵਾਲ ਕਾਲੇ ਅਤੇ ਅੱਖਾਂ ਭੂਰੀਆਂ ਦੱਸੀਆਂ ਗਈਆਂ ਹਨ। ਵਿਅਕਤੀ ਦੀ ਤਸਵੀਰ ਜਾਰੀ ਕਰ ਦੱਸਿਆ ਗਿਆ ਕਿ ਉਸ ਦੇ ਸੱਜੇ ਹੱਥ 'ਤੇ ਟੈਟੂ ਹੈ ਜਿਸ 'ਤੇ ਲਿਖਿਆ ਹੈ, who god bless no man can curse.
