10.94C Vancouver 10.94C VancouverSep 11, 2025 4:48 PM - Connect Newsroom
ਸਰੀ ਵਿਚ ਸ਼ੂਟਿੰਗ ਦੀਆਂ ਘਟਨਾਵਾਂ ਵਿਚ 2024 ਦੇ ਮੁਕਾਬਲੇ ਚਿੰਤਾਜਨਕ ਵਾਧਾ ਹੋਇਆ ਹੈ। ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਘਟਨਾਵਾਂ ਦੱਖਣੀ ਏਸ਼ੀਆਈ ਕਾਰੋਬਾਰ ਨੂੰ ਨਿਸ਼ਾਨਾ ਬਣਾ ਕੇ ਜ਼ਬਰੀ ਵਸੂਲੀ ਦੀਆਂ ਕੋਸ਼ਿਸ਼ਾਂ ਨਾਲ ਜੁੜੀਆਂ ਹੋਈਆਂ ਹਨ। ਰਿਪੋਰਟਸ ਮੁਤਾਬਕ, ਇਸ ਸਾਲ ਸਰੀ ਵਿਚ ਹੁਣ ਤੱਕ 53 ਸ਼ੂਟਿੰਗ ਦੇ ਮਾਮਲੇ ਹੋ ਚੁੱਕੇ ਹਨ, ਜੋ ਕਿ 2024 ਤੋਂ 89 ਫੀਸਦੀ ਦਾ ਵਾਧਾ ਹੈ।
ਸਰੀ ਪੁਲਿਸ ਮੁਤਾਬਕ, ਇਸ ਸਾਲ ਜ਼ਬਰੀ ਵਸੂਲੀ ਨਾਲ ਸਬੰਧਤ 39 ਮਾਮਲੇ ਰਿਪੋਰਟ ਕੀਤੇ ਗਏ ਹਨ, ਜਿਨ੍ਹਾਂ ਵਿਚੋਂ 27 ਮਾਮਲਿਆਂ ਵਿਚ ਗੋਲੀ ਚੱਲਣ ਦੀ ਵਾਰਦਾਤ ਹੋਈ। ਬੀ. ਸੀ. ਕੰਜ਼ਰਵੇਟਿਵ ਦੀ ਪਬਲਿਕ ਸੇਫਟੀ ਲਈ ਸ਼ੈਡੋ ਮੰਤਰੀ ਏਲੇਨੋਰ ਸਟਰਕੋ ਨੇ ਕਿਹਾ ਕਿ ਗੋਲੀਆਂ ਚੱਲਣ ਦੀਆਂ ਵਾਰਦਾਤਾਂ ਵਿਚ 89 ਫੀਸਦੀ ਦਾ ਵਾਧਾ ਹੋਣਾ ਬੇਹੱਦ ਚਿੰਤਾਜਨਕ ਹੈ।
ਉਨ੍ਹਾਂ ਕਿਹਾ ਕਿ ਐੱਨ. ਡੀ. ਪੀ. ਸਰਕਾਰ ਨੂੰ ਪੁਲਿਸ ਟੀਮਾਂ ਦੀ ਗਸ਼ਤ ਵਧਾਉਣ ਲਈ ਵਾਧੂ ਫੰਡਿੰਗ ਦੇਣੀ ਚਾਹੀਦੀ ਹੈ ਪਰ ਹੈਰਾਨੀ ਦੀ ਗੱਲ ਹੈ ਕਿ ਸੂਬੇ ਦੀ ਪਬਿਲਕ ਸੇਫਟੀ ਮਿਨਿਸਟਰ ਨੀਨਾ ਕਰੀਗਰ ਜਨਤਕ ਸੁਰੱਖਿਆ ਦੇ ਮੁੱਦਿਆਂ 'ਤੇ ਗਾਇਬ ਹੈ। ਰਿਪੋਰਟ ਮੁਤਾਬਕ, 2024 ਵਿਚ ਸਰੀ ਵਿਚ ਸ਼ੂਟਿੰਗ ਦੇ 28 ਮਾਮਲੇ ਰਿਪੋਰਟ ਕੀਤੇ ਗਏ ਸਨ।
