11.58C Vancouver 11.58C VancouverNov 23, 2022 12:47 AM - Connect News
ਸਰ੍ਹੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਨਿਊਟਨ ਇਲਾਕੇ 'ਚ ਸਥਿਤ ਇੱਕ ਸਕੂਲ ਦੇ ਪਾਰਕਿੰਗ ਲੌਟ 'ਚ ਚਾਕੂ ਨਾਲ ਹਮਲੇ ਦੀ ਵਾਰਦਾਤ ਵਾਪਰੀ ਹੈ।
ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਅੱਜ ਦੁਪਹਿਰ ਕਰੀਬ 12.08 ਵਜੇ ਸਰ੍ਹੀ ਆਰ.ਸੀ.ਐਮ.ਪੀ. ਨੂੰ 66 ਐਵੀਨਿਊ ਦੇ 12600 ਬਲੌਕ 'ਚ ਸਥਿਤ ਸਕੂਲ ਕੋਲ ਚਾਕੂ ਨਾਲ ਹਮਲੇ ਦੀ ਜਾਣਕਾਰੀ ਮਿਲੀ ਸੀ।
ਪੁਲਿਸ ਤੁਰੰਤ ਮੌਕੇ 'ਤੇ ਪਹੁੰਚੀ ਅਤੇ ਇੱਕ ਵਿਅਕਤੀ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ 'ਚ ਜੁਟ ਗਈ।
18 ਸਾਲਾ ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਪਰ ਉਸ ਨੇ ਦਮ ਤੋੜ ਦਿੱਤਾ।
ਦੱਸਿਆ ਗਿਆ ਕਿ ਪੀੜਤ ਇੱਕ ਲੜਕਾ ਸੀ।
ਮੌਕੇ 'ਤੇ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਵੱਲੋਂ ਪਹੁੰਚ ਕੀਤੀ ਗਈ ਹੈ।
ਪੁਲਿਸ ਫਿਲਹਾਲ ਮਾਮਲੇ 'ਚ ਸਬੂਤ ਜੁਟਾ ਰਹੀ ਹੈ ਅਤੇ ਵਧੇਰੇ ਜਾਣਕਾਰੀ ਜਾਰੀ ਨਹੀਂ ਕੀਤੀ ਜਾ ਰਹੀ ਹੈ।
ਘਟਨਾ ਟਮਾਨਵਿਸ ਸੈਕੰਡਰੀ ਸਕੂਲ ਕੋਲ ਵਾਪਰੀ ਦੱਸੀ ਗਈ ਹੈ।
ਪੁਲਿਸ ਅਨੁਸਾਰ ਪੀੜਤ ਲੜਕਾ ਸਕੂਲ ਦਾ ਵਿਦਿਆਰਥੀ ਨਹੀਂ ਸੀ ਅਤੇ ਇੱਕ ਸ਼ੱਕੀ ਨੂੰ ਕਾਬੂ ਕਰ ਲਿਆ ਗਿਆ ਹੈ।
