ਸਰੀ ਵਿਚ ਖੁੱਲ੍ਹਿਆ $27.5-ਮਿਲੀਅਨ ਦੀ ਲਾਗਤ ਵਾਲਾ ਬੀਅਰ ਕ੍ਰੀਕ ਸਟੇਡੀਅਮ

ਸਰੀ ਵਿਚ $27.5-ਮਿਲੀਅਨ ਦਾ ਲਾਗਤ ਵਾਲਾ ਬੀਅਰ ਕ੍ਰੀਕ ਸਟੇਡੀਅਮ ਅਧਿਕਾਰ ਤੌਰ 'ਤੇ ਖੁੱਲ੍ਹ ਚੁੱਕਾ ਹੈ। ਇਸ ਦੀ ਸੀਟਿੰਗ ਸਮਰੱਥਾ 2,200 ਹੈ। ਸਰੀ ਸ਼ਹਿਰ ਦੀ ਮੇਅਰ ਬ੍ਰੈਂਡਾ ਲੌਕ ਨੇ ਇੱਕ ਪ੍ਰੈੱਸ ਰਿਲੀਜ਼ ਵਿਚ ਕਿਹਾ ਕਿ ਕਲਾਸ 2 ਸਹੂਲਤ ਸਰਟੀਫਿਕੇਸ਼ਨ ਮਿਲਣ 'ਤੇ ਬੀਅਰ ਕ੍ਰੀਕ ਸਟੇਡੀਅਮ -ਵਿਸ਼ਵ ਐਥਲੈਟਿਕਸ ਮਹਾਂਦੀਪੀ ਟੂਰ ਅਤੇ ਚੈਲੇਂਜਰ ਸੀਰੀਜ਼ ਵਰਗੇ ਹਾਈ ਪ੍ਰੋਫਾਈਲ ਈਵੈਂਟਸ ਹੋਸਟ ਕਰ ਸਕੇਗਾ।

ਮੇਅਰ ਨੇ ਕਿਹਾ ਕਿ ਇਹ ਸਟੇਡੀਅਨ ਹੋਰ ਗਰੁੱਪਸ ਨੂੰ ਇੱਥੇ ਖੇਡਾਂ ਆਯੋਜਿਤ ਕਰਨ ਲਈ ਆਕਰਸ਼ਿਤ ਕਰਨਾ ਵਾਲਾ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਕੋਲ ਕੁਝ ਲੋਕਾਂ ਨੇ ਪਹਿਲਾਂ ਹੀ ਪੁੱਛਗਿੱਛ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।

ਲੌਕ ਨੇ ਕਿਹਾ ਕਿ ਇਸ ਨਾਲ ਸ਼ਹਿਰ ਨੂੰ ਬਹੁਤ ਵੱਡਾ ਲਾਭ ਹੋਣ ਵਾਲਾ ਹੈ। ਗੌਰਤਲਬ ਹੈ ਕਿ ਸਰੀ ਵਿਚ 10,000 ਦੀ ਸੀਟਿੰਗ ਵਾਲਾ ਖੇਡ ਮੈਦਾਨ ਵੀ ਹੋਵੇਗਾ, ਜਿਸ ਦੀ ਉਸਾਰੀ 2027 ਵਿਚ ਸ਼ੁਰੂ ਹੋਣ ਦੀ ਉਮੀਦ ਹੈ।