19.68C Vancouver 19.68C VancouverNov 24, 2020 10:31 PM -
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਇੱਕ ਤਾਜ਼ਾ ਸਰਵੇਖਣ 'ਚ ਪਤਾ ਚਲਦਾ ਹੈ ਕਿ ਸੂਬੇ ਦੇ ਲੋਕ ਪੈਂਡੇਮਿਕ ਦੀਆਂ ਪਬੰਦੀਆਂ ਨਾਲ ਆਪਣੇ ਘਰਾਂ ਦੀਆਂ ਬੱਤੀਆਂ ਦੀ ਦਿਖਾਵਟ ਅਤੇ ਸਜਾਵਟ ਨੂੰ ਬਿਹਤਰ ਬਣਾ ਕੇ ਨਜਿੱਠ ਰਹੇ ਹਨ।
ਇਸ ਔਨਲਾਈਨ ਸਰਵੇਖਣ 'ਚ 800 ਲੋਕ ਸ਼ਾਮਿਲ ਹੋਏ ਸਨ।
ਇਸ 'ਚ 90% ਤੋਂ ਵਧੇਰੇ ਲੋਕਾਂ ਦਾ ਮੰਨਣਾ ਸੀ ਕਿ ਪੈਂਡੇਮਿਕ ਕਾਰਨ ਉਨ੍ਹਾਂ ਦੇ ਛੁੱਟੀਆਂ ਦਾ ਪਲੈਨ 'ਤੇ ਅਸਰ ਪਵੇਗਾ।
ਪਰ ਇਸ 'ਚ 20% ਤੋਂ ਵਧੇਰੇ ਲੋਕਾਂ ਦਾ ਮੰਨਣਾ ਸੀ ਕਿ ਉਹ ਨਿਰਾਸ਼ਾ ਨੂੰ ਛੱਡ ਕੇ ਘਰ ਦੀ ਇੰਡੋਰ ਅਤੇ ਆਊਟਡੋਰ ਸਜਾਵਟ 'ਤੇ ਜ਼ੋਰ ਦੇਣਗੇ।
ਇਸ 'ਚ ਦੋ-ਤਿਹਾਈ ਲੋਕਾਂ ਦਾ ਕਹਿਣਾ ਸੀ ਕਿ ਉਹ ਆਊਟਡੋਰ ਡਿਸਪਲੇ ਲਗਾਉਣਗੇ।
ਇਸ 'ਚ 22% ਦਾ ਕਹਿਣਾ ਸੀ ਕਿ ਉਹ ਔਸਤਨ 8 ਸਟ੍ਰੈਂਡ ਲਾਈਟ ਵਰਤਣਗੇ, ਜਦਕਿ 10% ਦਾ ਕਹਿਣਾ ਸੀ ਕਿ ਉਹ 10 ਸਟ੍ਰੈਂਡ ਲਾਈਟ ਦੀ ਵਰਤੋਂ ਕਰਨਗੇ।
ਇਸ ਨੂੰ 2018 ਦੇ ਮੁਕਾਬਲੇ 3% ਦਾ ਵਾਧਾ ਦੱਸਿਆ ਗਿਆ ਹੈ।
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਇਸ ਨਾਲ ਇਲੈਕਟ੍ਰੀਸਿਟੀ ਖਰਚੇ 'ਚ ਵਾਧਾ ਹੋ ਸਕਦਾ ਹੈ, ਅਤੇ ਲੋਕਾਂ ਨੂੰ ਐਲ.ਈ.ਡੀ. ਲਾਈਟਸ ਅਤੇ ਟਾਈਮਰ ਵਾਲੀਆਂ ਲਾਈਟਸ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
