12.7C Vancouver 12.7C VancouverSep 21, 2021 8:28 PM -
ਬੀ.ਸੀ. 'ਚ ਇੱਕ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ ਹੈ।
ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਓਕਾਨਾਗਨ 'ਚ ਵਰਨਨ ਦੇ ਕੋਲ ਪੁਲਿਸ ਨੂੰ ਸੋਮਵਾਰ ਸਵੇਰੇ ਗੋਲੀ ਚੱਲਣ ਦੀ ਜਾਣਕਾਰੀ ਮਿਲੀ ਸੀ।
ਮੌਕੇ 'ਤੇ ਪੁਲਿਸ ਨੂੰ ਐਂਡਰਬੇ ਰੋਡ ਕੋਲ ਇੱਕ ਵਿਅਕਤੀ ਦਾ ਮ੍ਰਿਤ ਸ਼ਰੀਰ ਮਿਲਿਆ।
ਮੌਕੇ ਤੋਂ ਇੱਕ ਵਿਅਕਤੀ ਦੇ ਗੱਡੀ 'ਚ ਫਰਾਰ ਹੋਣ ਦੀ ਜਾਣਕਾਰੀ ਦੀ ਪੁਲਿਸ ਨੂੰ ਦਿੱਤੀ ਗਈ ਸੀ।
ਪੁਲਿਸ ਨੇ ਹਵਾਈ ਸੇਵਾ ਅਤੇ ਲੋਕਲ ਅਫ਼ਸਰਾਂ ਦੀ ਮਦਦ ਨਾਲ ਸ਼ੱਕੀ ਗੱਡੀ ਅਤੇ ਚਾਲਕ ਨੂੰ ਆਰਮਸਟਰੌਂਗ ਦੇ ਇਲਾਕੇ 'ਚ ਭਾਲ ਲਿਆ।
ਗ੍ਰਿਫਤਾਰੀ ਦੌਰਾਨ ਪੁਲਿਸ ਦੇ ਇੱਕ ਵਾਹਨ ਨੂੰ ਨੁਕਸਾਨ ਪਹੁੰਚਿਆ ਪਰ ਕਿਸੇ ਦੇ ਸੱਟਫੇਟ ਤੋਂ ਬਚਾਅ ਰਿਹਾ।
ਫਿਲਹਾਲ ਪੀੜਤ ਜਾਂ ਸ਼ੱਕੀ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
