19.96C Vancouver 19.96C VancouverJun 9, 2026 2:23 PM - Connect Newsroom - Ramandeep Kaur with files from The Canadian Press
ਵੈਨਕੂਵਰ ਪੁਲਿਸ ਵਲੋਂ ਸੋਮਵਾਰ ਰਾਤ ਇੱਕ ਘਰ ਵਿਚ ਜ਼ਬਰਨ ਦਾਖ਼ਲ ਹੋਏ ਇੱਕ ਸ਼ੱਕੀ ਨੂੰ ਗੋਲੀ ਮਾਰ ਦਿੱਤੀ ਗਈ। ਘਟਨਾ ਕਮਰਸ਼ੀਅਲ ਸਟ੍ਰੀਟ ਦੇ 3600-ਬਲਾਕ ਵਿਚ ਰਾਤ ਲਗਭਗ 9 ਵਜੇ ਵਾਪਰੀ, ਪੁਲਿਸ ਮੁਤਾਬਕ, ਜਦੋਂ ਅਧਿਕਾਰੀ ਘਰ 'ਤੇ ਹਮਲੇ ਦੀ ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ 'ਤੇ ਪਹੁੰਚੇ ਤਾਂ ਉੱਥੇ ਹਿੰਸਕ ਹਾਲਾਤ ਬਣੇ ਹੋਏ ਸਨ।
ਸ਼ੱਕੀ ਮੁਲਜ਼ਮ ਜਬਰਨ ਘਰ ਅੰਦਰ ਦਾਖਲ ਹੋ ਚੁੱਕਾ ਸੀ ਅਤੇ ਉਸ ਨੇ ਉੱਥੇ ਇੱਕ ਵਿਅਕਤੀ ਨੂੰ ਬੰਧਕ ਬਣਾਇਆ ਹੋਇਆ ਸੀ। ਮੌਕੇ 'ਤੇ ਮੌਜੂਦ ਪੁਲਿਸ ਔਫੀਸਰ ਨੇ ਸਥਿਤੀ ਨੂੰ ਸ਼ਾਂਤ ਕਰਨ ਅਤੇ ਮਾਮਲੇ ਨੂੰ ਸੁਲਝਾਉਣ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਆਖਰਕਾਰ ਹਾਲਾਤ ਨੂੰ ਦੇਖਦਿਆਂ ਉਨ੍ਹਾਂ ਨੂੰ ਸ਼ੱਕੀ 'ਤੇ ਗੋਲੀ ਚਲਾਉਣ ਲਈ ਮਜਬੂਰ ਹੋਣਾ ਪਿਆ ਅਤੇ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਹਿੰਸਕ ਘਟਨਾ ਦੌਰਾਨ ਬੰਧਕ ਬਣਾਇਆ ਗਿਆ ਵਿਅਕਤੀ ਜ਼ਖਮੀ ਹੋ ਗਿਆ ਸੀ, ਜਿਸ ਨੂੰ ਤੁਰੰਤ ਡਾਕਟਰੀ ਸਹਾਇਤਾ ਲਈ ਹਸਪਤਾਲ ਲਿਜਾਇਆ ਗਿਆ, ਇਲਾਜ ਤੋਂ ਬਾਅਦ ਉਸ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ। ਮਾਮਲਾ ਪੁਲਿਸ ਸ਼ੂਟਿੰਗ ਨਾਲ ਜੁੜਿਆ ਹੋਣ ਕਾਰਨ ਇਸ ਦੀ ਜਾਂਚ Independent Investigations Office ਵਲੋਂ ਆਪਣੇ ਹੱਥਾਂ ਵਿਚ ਲਈ ਗਈ ਹੈ।
