25.21C Vancouver 25.21C VancouverNov 8, 2022 1:37 AM - Connect News
ਨਿਊ ਵੈਸਟਮਿਨਸਟਰ 'ਚ ਇੱਕ ਵਿਅਕਤੀ ਨੂੰ ਨਾਟਕੀ ਅੰਦਾਜ 'ਚ ਕਾਬੂ ਕਰ ਲਿਆ ਗਿਆ ਅਤੇ ਮਾਮਲਾ ਕੈਨੇਡਾ ਵਾਈਡ ਵਾਰੰਟ 'ਤੇ ਭਾਲੇ ਜਾ ਰਹੇ ਵਿਅਕਤੀ ਦੀ ਗ੍ਰਿਫਤਾਰੀ ਨਾਲ ਸੰਬੰਧਤ ਹੈ।
30 ਅਕਤੂਬਰ ਨੂੰ ਦੁਪਹਿਰ ਕਰੀਬ 12.20 ਵਜੇ ਨਿਊ ਵੈਸਟਮਿਨਸਟਰ ਪੁਲਿਸ ਡਿਪਾਰਟਮੈਂਟ ਦੇ ਅਫਸਰਾਂ ਨੂੰ ਹਾਓ ਸਟ੍ਰੀਟ ਅਤੇ ਐਵਨ ਐਵੀਨਿਊ ਦੇ ਇਲਾਕੇ 'ਚ ਸੱਦਿਆ ਗਿਆ ਸੀ।
ਇੱਕ ਆਦਮੀ ਬਾਰੇ ਰਿਪੋਰਟ ਮਿਲੀ ਸੀ ਜਿਸ ਕੋਲ ਬੰਦੂਕ ਸੀ।
ਬੱਸ 'ਤੇ ਸਵਾਰ ਇੱਕ ਵਿਅਕਤੀ ਨੇ ਪੁਲਿਸ ਨਾਲ ਸੰਪਰਕ ਕੀਤਾ ਸੀ ਜਿਸ ਨੇ ਇੱਕ ਆਦਮੀ ਦੇ ਡੱਬ ਵਿੱਚੋਂ ਬੰਦੂਕ ਡਿਗਦੇ ਵੇਖੀ ਸੀ।
ਸ਼ੱਕੀ ਦੇ ਨਾਲ ਇੱਕ ਹੋਰ ਵਿਅਕਤੀ ਇੱਕੋ ਸਟੌਪ 'ਤੇ ਬੱਸ ਵਿੱਚੋਂ ਉਤਰੇ ਸਨ।
ਅਫਸਰਾਂ ਨੇ ਜਲਦੀ ਹੀ ਮੌਕੇ 'ਤੇ ਪਹੁੰਚ ਕੀਤੀ ਅਤੇ ਸ਼ੱਕੀਆਂ ਨੂੰ ਕਾਬੂ ਕਰ ਲਿਆ।
ਸ਼ੱਕੀ ਕੋਲ ਇੱਕ ਬੀ.ਬੀ. ਗੰਨ ਸੀ ਅਤੇ ਉਸ ਦੀ ਭਾਲ ਕੈਨੇਡਾ ਵਾਈਡ ਵਾਰੰਟ 'ਤੇ ਕੀਤੀ ਜਾ ਰਹੀ ਸੀ।
ਦੂਜੇ ਸ਼ੱਕੀ 'ਤੇ ਵੀ ਵਾਰੰਟ ਜਾਰੀ ਸੀ।
ਪੁਲਿਸ ਨੇ ਕਾਲ ਕਰਨ ਵਾਲੇ ਵਿਅਕਤੀ ਦੀ ਸੂਝਬੂਝ ਦੀ ਸ਼ਲਾਘਾ ਕੀਤੀ।
