14.22C Vancouver 14.22C VancouverMar 23, 2022 7:29 PM - The Canadian Press
ਅਫਗਾਨਿਸਤਾਨ 'ਚ ਤਾਲੀਬਾਨੀ ਸ਼ਾਸਕਾਂ ਨੇ ਲੜਕੀਆਂ ਦੀ ਸਿੱਖਿਆ ਸੰਬੰਧੀ ਹੈਰਾਨ ਕਰ ਦੇਣ ਵਾਲਾ ਫੈਸਲਾ ਲਿਆ ਹੈ।
ਅਫਗਾਨਿਸਤਾਨ 'ਚ 6ਵੀਂ ਕਲਾਸ ਤੋਂ ਬਾਅਦ ਲੜਕੀਆਂ ਨੂੰ ਸਕੂਲ 'ਚ ਸਿੱਖਿਆ ਹਾਸਿਲ ਕਰਨ ਦੀ ਇਜਾਜਤ 'ਤੇ ਰੋਕ ਲਗਾਈ ਜਾ ਰਹੀ ਹੈ।
ਇਸ ਫੈਸਲੇ ਨੂੰ ਹੈਰਾਨੀ ਭਰਿਆ ਇਸਲਈ ਵੀ ਮੰਨਿਆ ਜਾ ਰਿਹਾ ਹੈ ਕਿ ਇਸ ਨਾਲ ਵਿਦੇਸ਼ਾਂ ਤੋਂ ਅਫਗਾਨਿਸਤਾਨ ਨੂੰ ਹੋ ਰਹੀ ਫੰਡਿੰਗ 'ਚ ਵੀ ਅੜਿੱਕੇ ਪੇਸ਼ ਆ ਸਕਦੇ ਹਨ।
ਯੂ.ਐਸ. ਸਪੈਸ਼ਲ ਰਿਪ੍ਰੈਜੈਂਟੈਟਿਵ ਥੌਮਸ ਵੈਸਟ ਨੇ ਇਸ ਫੈਸਲੇ ਤੋਂ ਬਾਅਦ ਇੱਕ ਟਵੀਟ ਕਰ ਆਪਣੀ ਨਿਰਾਸ਼ਾ ਅਤੇ ਹੈਰਾਨੀ ਜਾਹਿਰ ਕੀਤੀ।
ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਤਾਲੀਬਾਨ ਦੀਆਂ ਪਬਲਿਕ ਕਮਿਟਮੈਂਟਸ ਨਾਲ ਦਗਾ ਹੈ ਅਤੇ ਅੰਤਰਰਾਸ਼ਟਰੀ ਕਮਿਊਨਿਟੀ ਇਸ ਫੈਸਲੇ ਤੋਂ ਹੈਰਾਨ ਹੈ।
ਵੈਸਟ ਨੇ ਕਿਹਾ ਕਿ ਤਾਲੀਬਾਨ ਨੇ ਪਹਿਲਾਂ ਆਖਿਆ ਸੀ ਕਿ ਸਾਰੇ ਅਫਗਾਨ ਲੋਕਾਂ ਨੂੰ ਸਿੱਖਿਆ ਦਾ ਹੱਕ ਹੈ ਅਤੇ ਹੁਣ ਤਾਲੀਬਾਨ ਨੂੰ ਅਫਗਾਨ ਲੋਕਾਂ ਪ੍ਰਤੀ ਆਪਣੇ ਵਾਅਦਿਆਂ 'ਤੇ ਖਰਾ ਉੱਤਰਨਾ ਚਾਹੀਦਾ ਹੈ।
