ਬੀ. ਸੀ. ਦੇ ਪੋਸਟ-ਸੈਕੰਡਰੀ ਸਿੱਖਿਆ ਮੰਤਰੀ ਨੇ ਬਰਨਬੀ ਕੈਂਪਸ 'ਚ ਨਵੀਂ ਰਿਹਾਇਸ਼ ਖੋਲ੍ਹਣ ਦਾ ਕੀਤਾ ਐਲਾਨ

ਬੀ. ਸੀ. ਦੇ ਪੋਸਟ-ਸੈਕੰਡਰੀ ਸਿੱਖਿਆ ਮੰਤਰੀ ਜੈਸੀ ਸਨਰ ਨੇ ਬ੍ਰਿਟਿਸ਼ ਕੋਲੰਬੀਆ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਦੇ ਬਰਨਬੀ ਕੈਂਪਸ ਵਿਖੇ ਨਵਾਂ ਟਾਲ ਟਿੰਬਰ ਵਿਦਿਆਰਥੀ ਰਿਹਾਇਸ਼ ਨਿਵਾਸ ਖੋਲ੍ਹਣ ਦਾ ਐਲਾਨ ਕੀਤਾ ਹੈ, ਇਸ ਨਾਲ ਕੈਂਪਸ ਵਿਚ ਸਟੂਡੈਂਟਸ ਲਈ ਕਿਫਾਇਤੀ ਰਿਹਾਇਸ਼ ਦੇ ਵਿਕਲਪ ਵੱਧ ਗਏ ਹਨ।

ਸਨਰ ਨੇ ਕਿਹਾ ਕਿ ਇਹ ਬੀ.ਸੀ.ਆਈ.ਟੀ. ਦੇ ਬਰਨਬੀ ਕੈਂਪਸ ਵਿਚ 40 ਸਾਲਾਂ ਵਿਚ ਪਹਿਲੀ ਵਾਰ ਹੈ। ਉਨ੍ਹਾਂ ਕਿਹਾ ਕਿ ਇਹ ਨਵੀਂ ਸਹੂਲਤ ਸਟੂਡੈਂਟਸ ਨੂੰ ਉਨ੍ਹਾਂ ਦੀ ਕਲਾਸਾਂ ਤੋਂ ਕੁਝ ਹੀ ਕਦਮ ਦੀ ਦੂਰੀ 'ਤੇ ਵਧੇਰੇ ਰਿਹਾਇਸ਼ੀ ਵਿਕਲਪ ਪ੍ਰਦਾਨ ਕਰੇਗੀ, ਜਿਸ ਨਾਲ ਉਨ੍ਹਾਂ ਦੇ ਆਉਣ-ਜਾਣ ਦੇ ਸਮੇਂ ਵਿਚ ਕਮੀ ਹੋਵੇਗੀ ਅਤੇ ਲੋਕਲ ਰੈਂਟਲ ਮਾਰਕਿਟ 'ਤੇ ਦਬਾਅ ਘੱਟ ਹੋਵੇਗਾ।

ਇਸ 12-ਮੰਜ਼ਿਲਾ ਲੱਕੜ ਦੀ ਇਮਾਰਤ ਵਿਚ 469 ਵਿਦਿਆਰਥੀਆਂ ਦੇ ਰਹਿਣ ਦੀ ਵਿਵਸਥਾ ਕੀਤੀ ਗਈ ਹੈ। ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਉਸ ਨੇ ਪੂਰੇ ਬੀ.ਸੀ. ਵਿਚ ਕਿਫਾਇਤੀ ਵਿਦਿਆਰਥੀ ਹਾਊਸਿੰਗ ਦੇ ਵਿਸਥਾਰ ਦੇ ਯਤਨਾਂ ਤਹਿਤ ਇਸ ਪ੍ਰੋਜੈਕਟ ਵਿਚ $129 ਮਿਲੀਅਨ ਦਾ ਨਿਵੇਸ਼ ਕੀਤਾ ਹੈ।