16.36C Vancouver 16.36C VancouverJan 22, 2025 3:34 PM - The Canadian Press
ਡੈਲਟਾ ਪੁਲਿਸ ਨੇ ਗੁਰਵਿੰਦਰ ਉੱਪਲ ਦੀ ਮੌਤ ਨੂੰ ਟਾਰਗੇਟਿਡ ਹਮਲਾ ਕਰਾਰ ਦਿੱਤਾ ਹੈ। ਪੁਲਿਸ ਨੇ ਕਿਹਾ ਕਿ 29 ਸਾਲਾ ਉੱਪਲ ਨੂੰ ਨਿਸ਼ਾਨਾ ਬਣਾ ਕੇ ਗੋਲੀਬਾਰੀ ਕੀਤੀ ਗਈ ਸੀ। ਇਸ ਘਟਨਾ ਵਿਚ ਇੱਕ ਵਾਈਟ ਫੋਰਡ ਪਿਕਅੱਪ ਟਰੱਕ ਸ਼ਾਮਲ ਸੀ, ਜਿਸ ਬਾਰੇ ਪੁਲਿਸ ਵਲੋਂ ਜਾਣਕਾਰੀ ਇਕੱਤਰ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਕਿਹਾ ਕਿ 20 ਜਨਵਰੀ ਨੂੰ ਸਵੇਰ ਲਗਭਗ 7:18 ਵਜੇ ਉਨ੍ਹਾਂ ਨੂੰ 1122 ਸਟਰੀਟ ਦੇ 8100-ਬਲਾਕ ਦੇ ਇੱਕ ਘਰ ਵਿਚ ਗੋਲੀਬਾਰੀ ਹੋਣ ਦੀ ਸੂਚਨਾ ਮਿਲੀ। ਇਸ ਦੇ ਥੋੜ੍ਹੀ ਦੇਰ ਮਗਰੋਂ 7.26 ਵਜੇ ਨਾਰਥ ਡੈਲਟਾ ਵਿਚ ਬਲੇਕ ਡਰਾਈਵ ਦੇ 7300-ਬਲਾਕ ਵਿਚ ਵਾਈਟ ਫੋਰਡ ਪਿਕਅੱਪ ਟਰੱਕ ਅੱਗ ਨਾਲ ਸਾੜਿਆ ਗਿਆ ਮਿਲਿਆ।
ਇਨਵੈਸਟੀਗੇਟਰਸ ਵਲੋਂ ਇਸ ਘਟਨਾ ਦੇ ਗਵਾਹਾਂ ਅਤੇ ਗੋਲੀਬਾਰੀ ਜਾਂ ਟਰੱਕ ਨੂੰ ਅੱਗ ਲਗਾਏ ਜਾਣ ਨਾਲ ਸਬੰਧਤ ਜਾਣਕਾਰੀ ਜਾਂ ਇਸ ਦੀ ਵੀਡੀਓ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਡੈਲਟਾ ਪੁਲਿਸ ਨਾਲ ਸਪੰਰਕ ਕਰਨ ਦੀ ਅਪੀਲ ਕੀਤੀ ਗਈ ਹੈ।
