11.1C Vancouver 11.1C VancouverAug 21, 2025 5:12 PM - The Canadian Press
ਕੈਨੇਡਾ 'ਤੇ ਟੈਰਿਫ ਵਿਚਕਾਰ ਕਿਊਬੈਕ ਸ਼ਰਾਬ ਬੋਰਡ $300,000 ਮੁੱਲ ਦੀ ਅਮਰੀਕੀ ਸ਼ਰਾਬ ਨੂੰ ਨਸ਼ਟ ਕਰਨ ਜਾ ਰਿਹਾ ਹੈ। ਸੂਬੇ ਦੇ ਸਟੋਰਾਂ ਵਿਚ ਇਹ ਬੈਨ ਹੈ। ਕਿਊਬੈਕ ਸਰਕਾਰ ਨੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵਲੋਂ ਲਗਾਏ ਗਏ ਟੈਰਿਫਸ ਦੇ ਜਵਾਬ ਵਿਚ 4 ਮਾਰਚ ਨੂੰ ਸਰਕਾਰੀ ਮਾਲਕੀ ਵਾਲੀ ਕਾਰਪੋਰੇਸ਼ਨ ਨੂੰ ਅਮਰੀਕੀ ਸ਼ਰਾਬ ਸਟੋਰਾਂ ਤੋਂ ਹਟਾਉਣ ਦਾ ਹੁਕਮ ਦਿੱਤਾ ਸੀ।
ਉਸ ਸਮੇਂ ਓਨਟਾਰੀਓ ਅਤੇ ਐਲਬਰਟਾ ਸਮੇਤ ਹੋਰ ਸੂਬਿਆਂ ਨੇ ਵੀ ਆਪਣੇ ਸ਼ਰਾਬ ਰੈਗੂਲੇਟਰ ਨੂੰ ਅਮਰੀਕੀ ਸ਼ਰਾਬ ਖਰੀਦਣਾ ਬੰਦ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ, ਜਦੋਂ ਕਿ ਬੀ.ਸੀ. ਨੇ 2024 ਦੀਆਂ ਚੋਣਾਂ ਵਿਚ ਟਰੰਪ ਨੂੰ ਵੋਟ ਦੇਣ ਵਾਲੇ ਅਮਰੀਕੀ ਸੂਬਿਆਂ ਤੋਂ ਸ਼ਰਾਬ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।
ਬਾਈਕਾਟ ਤੋਂ ਪਹਿਲਾਂ ਖਰੀਦੀ ਗਈ ਅਮਰੀਕੀ ਸ਼ਰਾਬ ਨੂੰ ਵੱਖਰਾ ਸਟੋਰ ਕੀਤਾ ਜਾ ਰਿਹਾ ਹੈ ਅਤੇ ਕਿਊਬੈਕ ਦੇ ਸ਼ਰਾਬ ਬੋਰਡ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਸੂਬਾ ਸਰਕਾਰ ਆਪਣੇ ਦਿਸ਼ਾ-ਨਿਰਦੇਸ਼ਾਂ ਵਿਚ ਪਰਿਵਰਤਨ ਨਹੀਂ ਕਰਦੀ ਉਦੋਂ ਤੱਕ ਉਸ ਨੂੰ ਕੁਝ ਅਮਰੀਕੀ ਸ਼ਰਾਬ ਦੀ ਤਾਰੀਖ਼ ਮਿਆਦ ਖਤਮ ਹੋਣ 'ਤੇ ਉਨ੍ਹਾਂ ਨੂੰ ਨਸ਼ਟ ਕਰਨਾ ਪਵੇਗਾ।
ਕਿਊਬੈਕ ਸ਼ਰਾਬ ਬੋਰਡ ਦਾ ਕਹਿਣਾ ਹੈ ਕਿ $300,000 ਮੁੱਲ ਦੀ ਅਮਰੀਕੀ ਸ਼ਰਾਬ ਦਾ ਇਹ ਸਟਾਕ - ਸਟੋਰੇਜ ਵਿਚ ਰੱਖੀ $27 ਮਿਲੀਅਨ ਦੀ ਅਮਰੀਕੀ ਸ਼ਰਾਬ ਦਾ ਸਿਰਫ ਇੱਕ ਛੋਟਾ ਜਿਹਾ ਹਿੱਸਾ ਹੈ।
