18.79C Vancouver 18.79C VancouverJul 8, 2021 7:20 PM -
ਮਾਇਆਮੀ 'ਚ ਇੱਕ ਇਮਾਰਤ ਡਿੱਗਣ ਦੇ ਮਾਮਲੇ 'ਚ ਹੁਣ ਭਾਲ ਅਤੇ ਬਚਾਅ ਅਭਿਆਨ ਰੱਦ ਕਰ ਦਿੱਤੇ ਗਏ ਹਨ।
ਹੁਣ ਇਸ ਨੂੰ ਇੱਕ ਰਿਕਵਰੀ ਅਭਿਆਨ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ।
ਬੀਤੀ ਰਾਤ ਢਹਿ-ਢੇਰੀ ਹੋਈ ਇਮਾਰਤ ਦੇ ਕੋਲ ਕੁਝ ਸਮੇਂ ਲਈ ਮੌਨ ਧਾਰਨ ਕੀਤਾ ਗਿਆ ਅਤੇ ਪੀੜਤਾਂ ਨੂੰ ਯਾਦ ਕੀਤਾ ਗਿਆ।
ਮਾਇਆਮੀ ਡੇਡ ਕਾਉਂਟੀ ਦੀ ਮੇਅਰ ਡੈਨੀਐਲਾ ਲਵਾਈਨ ਕਾਵਾ ਨੇ ਕੱਲ ਸ਼ਾਮ ਹੀ ਇਸ ਦੀ ਜਾਣਕਾਰੀ ਦੇ ਦਿੱਤੀ ਸੀ।
ਉਨ੍ਹਾਂ ਦੱਸਿਆ ਕਿ ਇਹ ਫੈਸਲਾ ਲੈਣਾ ਬੇਹੱਦ ਮੁਸ਼ਕਿਲ ਸੀ ਪਰ ਇਸ ਘਟਨਾ ਦੇ ਵਾਪਰਨ ਦੇ 2 ਹਫ਼ਤੇ ਬੀਤ ਚੁੱਕੇ ਹਨ ਅਤੇ ਹੁਣ ਕਿਸੇ ਪੀੜਤ ਦਾ ਮਲਬੇ ਵਿੱਚੋਂ ਜਿਉਂਦਿਆਂ ਮਿਲਣਾ ਕ੍ਰਿਸ਼ਮਾ ਹੀ ਹੋਵੇਗਾ।
ਇਸ ਘਟਨਾ 'ਚ ਜਾਨ ਗਵਾਉਣ ਵਾਲੀ ਇੱਕ ਸਾਬਕਾ ਮੌਂਟਰੀਅਲ ਨਿਵਾਸੀ ਦੀ ਪਛਾਣ 66 ਸਾਲਾ ਇੰਗ੍ਰੀਡ ਐਨਸਵਰਥ ਵਜੋਂ ਹੋਈ ਹੈ।
ਘਟਨਾ 'ਚ ਉਸ ਦੇ 68 ਸਾਲਾ ਪਤੀ ਦੀ ਵੀ ਜਾਨ ਚਲੀ ਗਈ।
ਇਸ ਘਟਨਾ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 54 ਤਕ ਪਹੁੰਚ ਗਈ ਹੈ।
ਕੌਂਡੋ ਇਮਾਰਤ ਦੇ ਡਿੱਗਣ ਦੀ ਘਟਨਾ 'ਚ 86 ਦੇ ਕਰੀਬ ਲੋਕਾਂ ਦਾ ਹੁਣ ਤਕ ਕੁਝ ਪਤਾ ਨਹੀਂ ਲੱਗਿਆ ਹੈ।
