8.42C Vancouver 8.42C VancouverDec 5, 2025 5:51 PM - Connect Newsroom - Jasmine Singh with files from The Canadian Press
ਕੈਲਗਰੀ ਦੇ ਇਕ 17 ਸਾਲਾ ਲੜਕੇ ਨੂੰ ਡਰੱਗਜ਼ ਸਬੰਧੀ ਦੋਸ਼ਾਂ ਲਈ ਚਾਰਜ ਕੀਤਾ ਗਿਆ ਹੈ, ਜਿਸ ਕਾਰਨ Tsuut'ina Nation ਦੇ ਦੋ ਵਿਅਕਤੀਆਂ ਦੀ ਜੂਨ ਮਹੀਨੇ ਮੌਤ ਹੋ ਗਈ ਸੀ। ਯੂਥ ਕ੍ਰਿਮੀਨਲ ਜਸਟਿਸ ਐਕਟ ਤਹਿਤ ਲੜਕੇ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ ਅਤੇ 13 ਨਵੰਬਰ ਨੂੰ ਉਸ ਨੂੰ ਹਿਰਾਸਤ ਵਿਚ ਲਿਆ ਗਿਆ।
ਪੁਲਿਸ ਦੀ 5 ਮਹੀਨਿਆਂ ਦੀ ਲੰਬੀ ਜਾਂਚ ਮਗਰੋਂ ਸਾਹਮਣੇ ਆਇਆ ਕਿ ਲੜਕਾ ਸਕੂਲ ਵਿਚ ਲੰਚ ਬਰੇਕ ਦੌਰਾਨ ਕੋਕੀਨ ਵੇਚਦਾ ਸੀ।
ਔਫੀਸਰਜ਼ ਨੇ ਸਰਚ ਵਾਰੰਟ ਕੱਢ ਕੇ ਉਸ ਦੇ ਘਰੋਂ ਸੈੱਲਫੋਨ, ਕੈਸ਼, ਬੀਅਰ ਸਪਰੇਅ, ਕੋਕੀਨ, ਮੈਥਾਮਫੇਟਾਮਾਈਨ ਅਤੇ ਹੋਰ ਸਮਾਨ ਜ਼ਬਤ ਕੀਤਾ।ਉਸ ਨੂੰ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰਨ ਅਪਰਾਧ ਕਰ ਕੇ ਪ੍ਰੋਪਰਟੀ ਹਾਸਲ ਕਰਨ, ਹਥਿਆਰ ਰੱਖਣ ਸਣੇ ਕਈ ਦੋਸ਼ਾਂ ਲਈ ਚਾਰਜ ਕੀਤਾ ਗਿਆ ਹੈ ਅਤੇ ਅੱਜ ਅਦਾਲਤ 'ਚ ਪੇਸ਼ ਕੀਤਾ ਜਾਣਾ ਹੈ।
