29.63C Vancouver 29.63C VancouverJun 22, 2021 9:09 PM -
ਕਾਤਲ ਅਤੇ ਸੀਰੀਅਲ ਬਲਾਤਕਾਰੀ ਪੌਲ ਬਰਨਾਰਡੋ ਦੀ ਪੈਰੋਲ ਅਰਜ਼ੀ ਨੂੰ ਰੱਦ ਕਰ ਦਿੱਤਾ ਗਿਆ ਹੈ।
ਪੈਰੋਲ ਬੋਰਡ ਆਫ ਕੈਨੇਡਾ ਨੇ ਹੀਅਰਿੰਗ ਅਫ਼ਸਰਾਂ ਦੀ ਕਰੀਬ ਇੱਕ ਘੰਟੇ ਦੀ ਸੁਣਵਾਈ ਤੋਂ ਬਾਅਦ ਪੌਲ ਬਰਨਾਰਡੋ ਨੂੰ ਪੈਰੋਲ ਦੇਣ ਤੋਂ ਇਨਕਾਰ ਕੀਤਾ।
ਉਸ ਦੇ 2 ਪੀੜਤਾਂ ਦੇ ਪਰਿਵਾਰਿਕ ਮੈਂਬਰਾਂ ਨੇ ਆਪਣਾ ਹਾਲ ਬਿਆਨ ਕਰਦੇ ਹੋਏ ਦੱਸਿਆ ਕਿ ਕਿਵੇਂ ਉਨ੍ਹਾਂ ਨੂੰ ਬਰਨਾਰਡੋ ਦੇ ਗੁਨਾਹਾਂ ਕਾਰਨ ਦੁੱਖ ਝੱਲਣਾ ਪਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਕਾਤਲ ਨੂੰ ਕਦੀ ਵੀ ਰਿਹਾਅ ਨਹੀਂ ਕੀਤਾ ਜਾਣਾ ਚਾਹੀਦਾ।
ਬਰਨਾਰਡੋ ਨੂੰ ਕਿਡਨੈਪਿੰਗ, ਟਾਰਚਰ ਅਤੇ ਕਤਲ ਦੇ ਮਾਮਲੇ 'ਚ ਉਮਰ ਕੈਦ ਦੀ ਸਜਾ ਸੁਣਾਈ ਗਈ ਸੀ।
ਕਰਸਟਨ ਫ੍ਰੈਂਚ ਅਤੇ ਲੈਸਲੀ ਮਹਾਫੀ ਨੂੰ ਟਾਰਚਰ ਕਰਨ ਤੋਂ ਬਾਅਦ ਕਤਲ ਕੀਤੇ ਗਿਆ ਸੀ।
ਇਹਨਾਂ ਘਟਨਾਂ ਨੂੰ 1990 ਦੇ ਦਹਾਕੇ 'ਚ ਅੰਜਾਮ ਦਿੱਤਾ ਗਿਆ ਸੀ।
ਘਟਨਾਵਾਂ ਔਂਟੈਰੀਓ ਦੇ ਸੇਂਟ ਕੈਥਰੀਨ ਕੋਲ ਵਾਪਰੀਆਂ ਸਨ।
ਬਰਨਾਰਡੋ ਨੇ ਕਿਹਾ ਸੀ ਕਿ ਉਹ ਹੁਣ ਬਦਲ ਗਿਆ ਹੈ ਅਤੇ ਉਸ ਨੂੰ ਪੈਰੋਲ ਮਿਲਣੀ ਚਾਹੀਦੀ ਹੈ।
