12.32C Vancouver 12.32C VancouverJun 14, 2021 3:33 PM -
ਲੰਡਨ, ਔਂਨਟਾਰਿਓ ਵਿੱਚ ਇੱਕ ਮੁਸਲਿਮ ਪਰਿਵਾਰ ’ਤੇ ਗੱਡੀ ਚੜ੍ਹਾਕੇ ਚਾਰ ਵਿਅਕਤੀਆਂ ਨੂੰ ਕਤਲ ਕਰਨ ਦੇ ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਆਦਮੀ ’ਤੇ ਹੁਣ ਸਰਕਾਰੀ ਵਕੀਲਾਂ ਵਲੋਂ ਅੱਤਵਾਦ ਦੇ ਚਾਰਜ ਲਾਏ ਗਏ ਹਨ।
ਕਰਾਊਨ ਅਨੁਸਾਰ 20 ਸਾਲਾ ਨੈਥਨੀਲ ਵੇਲਟਮੈਨ ’ਤੇ ਲੱਗੇ ਪਹਿਲੇ ਦਰਜੇ ਦੇ ਕਤਲ ਦੇ ਚਾਰ ਚਾਰਜਾਂ ਵਿੱਚ ਕ੍ਰਿਮੀਨਲ ਕੋਡ ਦੀ ਧਾਰਾ 83 ਤਹਿਤ ਵਾਧਾ ਕੀਤਾ ਗਿਆ ਹੈ।
ਵੇਲਟਮੈਨ ਸੋਮਵਾਰ ਸਵੇਰ ਇੱਕ ਵੀਡੀਓ ਰਾਹੀਂ ਅਦਾਲਤ ਸਾਹਮਣੇ ਪੇਸ਼ ਹੋਇਆ।
ਸ਼ਨੀਵਾਰ ਨੂੰ ਅਫ਼ਜ਼ਾਲ ਪਰਿਵਾਰ ਦੇ ਚਾਰ ਮੈੰਬਰਾਂ ਨੂੰ ਇੱਕ ਪਬਲਿਕ ਫਿਊਨਰਲ ਦੌਰਾਨ ਹਜ਼ਾਰਾਂ ਲੋਕਾਂ ਨੇ ਭਿਜੀਆਂ ਅੱਖਾਂ ਨਾਲ ਆਖਰੀ ਵਿਦਾਇਗੀ ਦਿੱਤੀ।
ਪੁਲਿਸ ਮੁਤਾਬਕ ਪਰਿਵਾਰ ’ਤੇ ਕੀਤਾ ਗਿਆ ਹਮਲਾ ਮਿੱਥਕੇ ਕੀਤਾ ਗਿਆ ਸੀ ਅਤੇ ਉਨ੍ਹਾਂ ਨੂੰ ਮੁਸਲਮਾਨ ਹੋਣ ਕਾਰਨ ਨਿਸ਼ਾਨਾ ਬਣਾਇਆ ਗਿਆ ਸੀ।
46 ਸਾਲਾ ਸਲਮਾਨ ਅਫ਼ਜ਼ਾਲ, ਉਨ੍ਹਾਂ ਦੀ 44 ਸਾਲਾ ਪਤਨੀ ਮਦਿਹਾ ਸਲਮਾਨ, 15 ਸਾਲਾ ਬੇਟੀ ਯਮਨਾ ਸਲਮਾਨ ਅਤੇ ਅਫ਼ਜ਼ਾਲ ਦੀ 74 ਸਾਲਾ ਮਾਂ ਇਸ ਵਾਰਦਾਤ ਵਿੱਚ 6 ਜੂਨ ਨੂੰ ਮਾਰੇ ਗਏ ਸਨ।
ਪਰਿਵਾਰ ਦਾ 9 ਸਾਲਾ ਬੱਚਾ ਫਾਇਜ਼ ਜ਼ਖਮੀ ਹਾਲਤ ਵਿੱਚ ਹਸਪਤਾਲ ਵਿੱਚ ਹੈ।
