16.91C Vancouver 16.91C VancouverMay 26, 2022 12:31 AM - The Canadian Press
ਟੈਕਸਸ ਦੇ ਉਵਾਲਡੀ ਵਿੱਚ 19 ਬੱਚਿਆਂ ਅਤੇ 2 ਅਧਿਆਪਕਾਂ ਦੀ ਮੌਤ ਦਾ ਕਾਰਨ ਬਣੇ ਬੰਦੂਕਧਾਰੀ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ ਕਿ ਉਸ ਨੇ ਹਮਲੇ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਇਸ ਸੰਬੰਧੀ ਸੋਸ਼ਲ ਮੀਡੀਆ 'ਤੇ ਚੇਤਾਵਨੀ ਦਿੱਤੀ ਸੀ।
ਉਸ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ 'ਚ ਦੱਸਿਆ ਸੀ ਕਿ ਉਸ ਨੇ ਆਪਣੀ ਦਾਦੀ ਨੂੰ ਗੋਲੀ ਮਾਰ ਦਿਤੀ ਹੈ।
ਹਮਲਾਵਰ ਦੀ ਪਛਾਣ 18 ਸਾਲਾ ਸੈਲਵੇਡੌਰ ਰਾਮੋਸ ਵਜੋਂ ਹੋਈ ਹੈ।
ਹਮਲਾਵਰ ਵੱਲੋਂ ਏ.ਆਰ.15 ਸਟਾਈਲ ਦੀ ਸੈਮੀ-ਔਟੋਮੈਟਿਕ ਰਾਈਫਲ ਦਾ ਇਸਤੇਮਾਲ ਕਰਦੇ ਹੋਏ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ।
ਘਟਨਾ ਨੂੰ ਰੌਬ ਐਲੀਮੈਂਟਰੀ ਸਕੂਲ 'ਚ ਮੰਗਲਵਾਰ ਸਵੇਰ ਕਰੀਬ 11.30 ਵਜੇ ਅੰਜਾਮ ਦਿੱਤਾ ਗਿਆ ਸੀ।
ਪੂਰੇ ਹਮਲੇ ਦਾ ਅੰਤ ਉਸ ਵੇਲੇ ਹੋਇਆ ਜਦ ਪੁਲਿਸ ਨੇ ਸਕੂਲ 'ਚ ਇੱਕ ਕਲਾਸਰੂਮ 'ਚ ਦਾਖਿਲਾ ਲਿਆ ਅਤੇ ਟੀਨੇਜਰ ਨੂੰ ਢੇਰ ਕਰ ਦਿੱਤਾ।
ਜਾਂਚ ਅਧਿਕਾਰੀ ਹੁਣ ਤਕ ਹਮਲੇ ਪਿੱਛੇ ਦੇ ਕਾਰਨ ਸੰਬੰਧੀ ਚਾਨਣਾ ਨਹੀਂ ਪਾ ਸਕੇ ਹਨ।
ਅੱਜ ਇਸ ਵਾਰਦਾਤ ਸੰਬੰਧੀ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੇ ਇੱਕ ਵਾਰ ਫਿਰ ਤੋਂ ਪੀੜਤਾਂ ਲਈ ਦੁੱਖ ਦਾ ਪ੍ਰਗਟਾਵਾ ਕੀਤਾ।
ਉਨ੍ਹਾਂ ਕਿਹਾ ਕਿ ਉਹ ਆਉਂਦੇ ਦਿਨਾਂ 'ਚ ਆਪਣੀ ਪਤਨੀ ਨਾਲ ਟੈਕਸਸ ਦਾ ਦੌਰਾ ਕਰਨਗੇ।
