12.14C Vancouver 12.14C VancouverJan 24, 2024 4:11 PM - The Canadian Press
ਕੈਨੇਡਾ ਲਈ ਖੁਸ਼ਖਬਰੀ ਹੈ, ਬੈਂਕ ਆਫ਼ ਕੈਨੇਡਾ ਨੇ ਵਿਆਜ ਦਰ ਨੂੰ 5 ਫ਼ੀਸਦੀ ’ਤੇ ਬਰਕਰਾਰ ਰਹਿਣ ਦਿੱਤਾ ਹੈ ਅਤੇ ਪਹਿਲੀ ਵਾਰ ਸਪੱਸ਼ਟ ਤੌਰ ’ਤੇ ਕਿਹਾ ਹੈ ਕਿ ਜੇ ਆਰਥਿਕਤਾ ਉਸ ਦੇ ਪੂਰਵ-ਅਨੁਮਾਨਾਂ ਅਨੁਸਾਰ ਰਹੀ ਤਾਂ ਵਿਆਜ ਦਰ ਵਿਚ ਹੋਰ ਵਾਧਾ ਨਹੀਂ ਕੀਤਾ ਜਾਵੇਗਾ।
ਸੈਂਟਰਲ ਬੈਂਕ ਨੇ ਕਿਹਾ ਕਿ ਮਹਿੰਗਾਈ ਅਜੇ ਵੀ ਚਿੰਤਾ ਦਾ ਵਿਸ਼ਾ ਹੈ ਪਰ ਬੈਂਕ ਉਧਾਰ ਲੈਣ ਦੀ ਲਾਗਤ ਵਿਚ ਹੋਰ ਵਾਧਾ ਕਰਨ ਦੀ ਬਜਾਏ ਹੁਣ ਇਸ ਵਿਚ ਕਟੌਤੀ ’ਤੇ ਆਪਣਾ ਫੋਕਸ ਸ਼ਿਫਟ ਕਰ ਰਿਹਾ ਹੈ।
ਇਹ ਲਗਾਤਾਰ ਚੌਥੀ ਵਾਰ ਹੈ ਜਦੋਂ ਬੈਂਕ ਆਫ਼ ਕੈਨੇਡਾ ਨੇ ਵਿਆਜ ਦਰ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ। ਗਵਰਨਰ ਟਿਫ ਮੈਕਲੇਮ ਨੇ ਕਿਹਾ ਕਿ ਆਰਥਿਕਤਾ ਵਿਚ ਸਮੁੱਚੀ ਮੰਗ ਹੁਣ ਸਪਲਾਈ ਤੋਂ ਵੱਧ ਨਹੀਂ ਹੈ, ਇਸ ਲਈ ਨੀਤੀ ਚਰਚਾ ਹੁਣ ਇਸ ਗੱਲ ’ਤੇ ਬਦਲ ਗਈਆਂ ਹਨ ਕਿ ਬੈਂਕ ਨੂੰ ਉਧਾਰ ਲੈਣ ਦੀ ਲਾਗਤ ਘਟਾਉਣ ਤੋਂ ਪਹਿਲਾਂ ਕਿੰਨਾ ਸਮਾਂ ਉਡੀਕ ਕਰਨੀ ਚਾਹੀਦੀ ਹੈ।
ਹਾਲਾਂਕਿ, ਉਨ੍ਹਾਂ ਨੇ ਦਰਾਂ ਵਿਚ ਹੋਰ ਵਾਧੇ ਨੂੰ ਪੂਰੀ ਤਰ੍ਹਾਂ ਰੱਦ ਨਹੀਂ ਕੀਤਾ ਪਰ ਰੁਖ਼ ਨਰਮ ਕਰਦੇ ਹੋਏ ਸਾਫ ਕੀਤਾ ਕਿ ਜੇ ਮਹਿੰਗਾਈ ਅਤੇ ਆਰਥਿਕ ਗਤੀਵਿਧੀ ਬੈਂਕ ਦੇ ਅਨੁਮਾਨ ਅਨੁਸਾਰ ਰਹੇ ਤਾਂ ਵਾਧੇ ਦੀ ਸੰਭਾਵਨਾ ਨਹੀਂ ਹੋਵੇਗੀ।
