ਕੈਨੇਡੀਅਨ ਇੰਟਰਨੈਸ਼ਨਲ ਆਟੋ ਸ਼ੋਅ ਸ਼ੁੱਕਰਵਾਰ ਤੋਂ ਹੋ ਰਿਹਾ ਸ਼ੁਰੂ

ਕੈਨੇਡੀਅਨ ਇੰਟਰਨੈਸ਼ਨਲ ਆਟੋ ਸ਼ੋਅ ਇਸ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਟਰਾਂਟੋ ਵਿਚ ਹੋਣ ਵਾਲੇ ਇਸ ਆਟੋ ਸ਼ੋਅ ਵਿਚ ਵੋਲਵੋ ਵਲੋਂ ਪਹਿਲੀ ਵਾਰ ਲਈ ਕੈਨੇਡੀਅਨ ਪਬਲਿਕ ਲਈ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਐੱਸ.ਯੂ.ਵੀ. ਪੇਸ਼ ਕੀਤੀ ਜਾਵੇਗੀ।

ਕੋਵਿਡ ਸਮੇਂ ਤੋਂ ਬਾਅਦ ਬਹੁਤ ਸਾਰੇ ਕਾਰ ਨਿਰਮਾਤਾ ਇਸ ਆਟੋ ਸ਼ੋਅ ਵਿਚ ਹਿੱਸਾ ਲੈ ਰਹੇ ਹਨ। ਟੋਇਟਾ ਵਲੋਂ ਸਾਰੇ ਨਵੇਂ ਲੈਂਡ ਕਰੂਜ਼ਰ ਪੇਸ਼ ਕੀਤੀ ਜਾ ਰਹੀ ਹੈ। ਮੈਟਰੋ ਟੋਰਾਂਟੋ ਕਨਵੈਨਸ਼ਨ ਸੈਂਟਰ ਵਿਖੇ 16 ਤੋਂ 25 ਫਰਵਰੀ ਤੱਕ ਕਈ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਵਾਹਨ ਦੀ ਪ੍ਰਦਰਸ਼ਨੀ ਕੀਤੀ ਜਾਣ ਵਾਲੀ ਹੈ।

ਇਸ ਵਿਚ ਪੋਲੇਸਟਾਰ 3 ਇਲੈਕਟ੍ਰਿਕ ਕਾਰ ਵੀ ਦੇਖਣ ਨੂੰ ਮਿਲੇਗੀ ਅਤੇ ਬਹੁਤ ਸਾਰੇ ਕੈਨੇਡੀਅਨ ਟੈਸਟ ਡਰਾਈਵ ਵੀ ਲੈ ਸਕਣਗੇ। ਇਸ ਆਟੋ ਸ਼ੋਅ ਵਿਚ ਰਵਾਇਤੀ ਵਾਹਨ ਦੀ ਵੀ ਪ੍ਰਦਰਸ਼ਨੀ ਲਗਾਈ ਜਾ ਰਹੀ ਹੈ।

ਕੈਨੇਡੀਅਨ ਇੰਟਰਨੈਸ਼ਨਲ ਆਟੋ ਸ਼ੋਅ ਲਈ ਮਾਰਕੀਟਿੰਗ ਸੇਵਾਵਾਂ ਦੇ ਡਾਇਰੈਕਟਰ ਡੇਵਿਡ ਮੈਕਕਲੀਨ ਇਸ ਸਾਲ ਦੇ ਆਟੋ ਸ਼ੋਅ ਵਿਚ 350,000 ਤੋਂ ਵੱਧ ਲੋਕਾਂ ਦੇ ਹਾਜ਼ਰ ਹੋਣ ਦੀ ਉਮੀਦ ਜਤਾਈ ਹੈ।