7.63C Vancouver 7.63C VancouverJan 5, 2020 9:35 PM -
ਕੰਜ਼ਰਵਿਟਿਵ ਪਾਰਟੀ (Consevative Party) ਵੱਲੋਂ ਆਪਣੇ ਅਗਲੇ ਲੀਡਰ ਦੀ ਚੋਣ 27 ਜੂਨ ਨੂੰ ਟੋਰਾਂਟੋ (Toronto) ਵਿਖੇ ਇਕ ਕਨਵੈਨਸ਼ਨ ਦੌਰਾਨ ਕੀਤੀ ਜਾਵੇਗੀ।
ਸਾਬਕਾ ਐੱਮਪੀ (MP) ਲੀਜ਼ਾ ਰੇਟ (Lisa Raitt) ਦੇ ਮੁਤਾਬਕ ਇਸ ਚੋਣ ਦੇ ਨਿਯਮ ਫਿਲਹਾਲ ਨਿਰਧਾਰਿਤ ਕੀਤੇ ਜਾ ਰਹੇ ਹਨ। ਪਾਰਟੀ ਦੇ ਮੌਜੂਦਾ ਲੀਡਰ ਐਂਡਰੂ ਸ਼ੀਅਰ (Andrew Scheer) ਵੱਲੋਂ ਪਿਛਲੇ ਮਹੀਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਦਾ ਐਲਾਨ ਕਰ ਦਿੱਤਾ ਗਿਆ ਸੀ।
ਲੀਜ਼ਾ ਰੇਟ 2017 ਵਿੱਚ ਪਾਰਟੀ ਦੀ ਲੀਡਰਸ਼ਿਪ ਰੇਸ ਵਿੱਚ ਸ਼ੀਅਰ ਦੇ ਖ਼ਿਲਾਫ ਖੜ੍ਹੇ ਹੋਏ ਸਨ।
ਇਸ ਵਾਰ ਉਹ ਲੀਡਰ ਦੀ ਚੋਣ ਲਈ ਨਿਯਮ ਨਿਰਧਾਰਤ ਕਰਨ ਵਾਲੀ ਕਮੇਟੀ ਦੇ ਕੋ-ਚੇਅਰਪਰਸਨ (co-chairperson) ਹਨ।
ਉਨ੍ਹਾਂ ਦੱਸਿਆ ਕਿ ਇਸ ਕਮੇਟੀ ਦਾ ਟੀਚਾ ਇਸ ਚੋਣ ਨੂੰ ਅਸਰਦਾਰ ਅਤੇ ਪਾਰਦਰਸ਼ੀ ਬਣਾਉਣਾ ਹੈ।
ਪਾਰਟੀ ਦੀ ਪਿਛਲੀ ਲੀਡਰਸ਼ਿਪ ਰੇਸ 16 ਮਹੀਨੇ ਤੱਕ ਚੱਲੀ ਸੀ ਅਤੇ ਮਈ 2017 ਵਿੱਚ ਵੋਟਿੰਗ ਦੇ ਸਮੇਂ ਬੈਲੇਟ ਉੱਤੇ ਸ਼ੀਅਰ ਸਮੇਤ ਕੁੱਲ 14 ਨਾਂ ਸਨ।
