ਪਾਕਿਸਤਾਨ ਦੀਆਂ ਆਮ ਚੋਣਾਂ ਹੋਈਆਂ ਸੰਪੰਨ, ਕੱਲ੍ਹ ਆਉਣਗੇ ਨਤੀਜੇ

ਪਾਕਿਸਤਾਨ ਵਿਚ ਅੱਜ ਨੈਸ਼ਨਲ ਅਤੇ ਸੂਬਾ ਇਲੈਕਸ਼ਨਸ ਮੋਬਾਇਲ ਅਤੇ ਇੰਟਰਨੈੱਟ ਸੇਵਾਵਾਂ ਸਸਪੈਂਡ ਕੀਤੇ ਜਾਣ ਵਿਚਕਾਰ ਸੰਪੰਨ ਹੋਏ। ਜੇਲ੍ਹ ਵਿਚ ਬੰਦ ਇਮਰਾਨ ਖਾਨ ਨੇ ਪੋਸਟਲ ਬੈਲਟ ਰਾਹੀਂ ਆਪਣੇ ਵੋਟ ਦੇ ਅਧਿਕਾਰ ਦੀ ਵਰਤੋਂ ਕੀਤੀ।

ਮੌਜੂਦਾ ਸਮੇਂ ਵੋਟਿੰਗ ਦੀ ਗਿਣਤੀ ਚੱਲ ਰਹੀ ਹੈ। ਹੁਣ ਤੱਕ ਦੇ ਰੁਝਾਨਾਂ ਅਨੁਸਾਰ, ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਅਤੇ ਉਨ੍ਹਾਂ ਦੀ ਬੇਟੀ ਮਰੀਅਮ ਨਵਾਜ਼ ਦੋਵੇਂ ਲਾਹੌਰ ਵਿਚ ਆਪਣੀਆਂ ਸੀਟਾਂ ’ਤੇ ਅੱਗੇ ਚੱਲ ਰਹੇ ਸਨ।

ਸਿੰਧ ਵਿਚ ਸਾਬਕਾ ਰਾਸ਼ਟਰਪਤੀ ਅਤੇ ਬਿਲਾਵਲ ਭੁੱਟੋ ਦੇ ਪਿਤਾ ਆਸੀਫ ਅਲੀ ਜਰਦਾਰੀ ਅੱਗੇ ਚੱਲ ਰਹੇ ਸਨ। ਵੋਟਾਂ ਦੀ ਗਿਣਤੀ ਅੱਧੀ ਰਾਤ ਤੱਕ ਪੂਰੇ ਹੋਣ ਦੀ ਉਮੀਦ ਹੈ ਅਤੇ ਪੂਰਾ ਰਿਜ਼ਲਟ ਸ਼ੁੱਕਰਵਾਰ ਤੜਕੇ ਐਲਾਨ ਹੋ ਸਕਦਾ ਹੈ।

ਪਿਛਲੇ 4 ਇਲੈਕਸ਼ਨਸ ਦੀ ਤੁਲਨਾ ਵਿਚ ਇਸ ਵਾਰ ਪਾਕਿਸਤਾਨ ਦਾ ਇਲੈਕਸ਼ਨ ਸਭ ਤੋਂ ਜ਼ਿਆਦਾ ਖਰਚੀਲਾ ਹੈ, ਇਸ ਵਾਰ ਕਰੀਬ 1 ਹਜ਼ਾਰ ਕਰੋੜ ਰੁਪਏ ਖਰਚ ਹੋ ਰਹੇ ਹਨ। 90,675 ਪੋਲਿੰਗ ਸਟੇਸ਼ਨਸ ਲਈ 1.4 ਮਿਲੀਅਨ ਤੋਂ ਵੱਧ ਸਟਾਫ਼ ਡਿਊਟੀ ਕਰ ਰਿਹਾ ਹੈ।

ਇਨ੍ਹਾਂ ਵਿਚੋਂ 16 ਹਜ਼ਾਰ ਤੋਂ ਵੱਧ ਪੋਲਿੰਗ ਸਟੇਸ਼ਨਸ ਅਤਿ-ਸੰਵੇਦਨਸ਼ੀਲ ਐਲਾਨੇ ਗਏ ਸਨ। ਕਰਾਚੀ ਵਿਚ ਬੰਦੂਕ ਦੀ ਨੋਕ ’ਤੇ ਨਕਾਬਪੋਸ਼ ਪੋਲਿੰਟਗ ਸਟੇਸ਼ਨ ਤੋਂ ਬੈਲੇਟ ਪੇਪਰ ਦੇ 12 ਬਕਸੇ ਲੈ ਕੇ ਦੌੜ ਗਏ। ਇਸ ਵਿਚਕਾਰ ਖੈਬਰ ਪਖਤੂਨਖਵਾ ਅਤੇ ਬਲੋਚਿਸਤਾਨ ਵਿਚ ਬੰਬ ਧਮਾਕਿਆਂ ਵਿਚ 6 ਸੁਰੱਖਿਆ ਬਲਾਂ ਦੀ ਮੌਤ ਹੋ ਗਈ।