11.89C Vancouver 11.89C VancouverFeb 1, 2024 5:07 PM - The Connect News
ਕੈਨੇਡਾ ਸਰਕਾਰ ਨੇ ਨੈਸ਼ਨਲ ਡੈਂਟਲ ਕੇਅਰ ਪਲਾਨ ਲਈ ਵੀਰਵਾਰ ਤੋਂ 72 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਸੀਨੀਅਰਜ਼ ਲਈ ਰਜਿਸਟਰੇਸ਼ਨ ਖੁੱਲ੍ਹ ਗਈ ਹੈ।
ਇਸ ਪ੍ਰੋਗਰਾਮ ਤਹਿਤ ਬੈਨੇਫਿਟ ਮਈ ਤੋਂ ਮਿਲਣਾ ਸ਼ੁਰੂ ਹੋਣਾ ਹੈ ਪਰ ਦਸੰਬਰ ਤੋਂ 87 ਸਾਲ ਅਤੇ ਉਸ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਦੇ ਨਾਲ ਇਸ ਪ੍ਰੋਗਰਾਮ ਲਈ ਕੈਨੇਡੀਅਨ ਨੂੰ ਰਜਿਸਟਰ ਕੀਤਾ ਜਾਣਾ ਸ਼ੁਰੂ ਹੋ ਚੁੱਕਾ ਹੈ।
ਜਨਵਰੀ ਵਿਚ 77 ਤੋਂ 86 ਸਾਲ ਦੀ ਉਮਰ ਵਾਲੇ ਲੋਕਾਂ ਨੂੰ ਅਪਲਾਈ ਕਰਨ ਲਈ ਸੱਦਾ ਕੀਤਾ ਗਿਆ ਸੀ, ਹੁਣ ਮਾਰਚ ਵਿਚ 70 ਤੋਂ 71 ਸਾਲ ਦੀ ਉਮਰ ਵਾਲੇ ਸੀਨੀਅਰਜ਼ ਨੂੰ ਅਪਲਾਈ ਕਰਨ ਲਈ ਸੱਦਾ ਦਿੱਤਾ ਜਾਵੇਗਾ।
ਸਿਹਤ ਮੰਤਰੀ ਮਾਰਕ ਹੌਲੈਂਡ ਮੁਤਾਬਕ, ਨੈਸ਼ਨਲ ਡੈਂਟਲ ਕੇਅਰ ਪਲਾਨ ਲਈ ਹੁਣ ਤੱਕ 40 ਹਜ਼ਾਰ ਤੋਂ ਵੱਧ ਸੀਨੀਅਰਜ਼ ਰਜਿਸਟਰ ਕਰ ਚੁੱਕੇ ਹਨ। ਇਸ ਪ੍ਰੋਗਰਾਮ ਤਹਿਤ ਉਨ੍ਹਾਂ ਕੈਨੇਡੀਅਨ ਨੂੰ ਦੰਦਾਂ ਦੀ ਕਵਰੇਜ ਦਿੱਤੀ ਜਾ ਰਹੀ ਹੈ ਜਿਨ੍ਹਾਂ ਕੋਲ ਦੰਦਾਂ ਦਾ ਬੀਮਾ ਨਹੀਂ ਹੈ ਅਤੇ ਫੈਮਿਲੀ ਇਨਕਮ $90,000 ਤੋਂ ਘੱਟ ਹੈ। ਜੂਨ ਵਿਚ 18 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਵੀ ਸਰਕਾਰੀ ਦੰਦਾਂ ਦੀ ਕਵਰੇਜ ਲਈ ਯੋਗ ਹੋਣਗੇ।
ਉਥੇ ਹੀ, ਜੋ ਬਾਕੀ ਰਹਿ ਜਾਣਗੇ ਉਨ੍ਹਾਂ ਨੂੰ 2025 ਵਿਚ ਇਸ ਵਿਚ ਸ਼ਾਮਲ ਕੀਤਾ ਜਾਵੇਗਾ। ਸਰਕਾਰ ਦੇ ਨੈਸ਼ਨਲ ਡੈਂਟਲ ਕੇਅਰ ਪਲਾਨ ਦਾ ਫਾਇਦਾ 9 ਮਿਲੀਅਨ ਕੈਨੇਡੀਅਨਾਂ ਨੂੰ ਮਿਲਣ ਦੀ ਉਮੀਦ ਹੈ।
