13.42C Vancouver 13.42C VancouverApr 11, 2020 11:39 PM -
ਟਰੂਡੋ ਸਰਕਾਰ ਅਤੇ ਵਿਰੋਧੀ ਪਾਰਟੀਆਂ ਨੇ ਮਿਲਕੇ ਅੱਜ ਹਾਊਸ ਆਫ ਕਾਮਨਸ ਦੇ ਵਿਚ ਵੇਜ ਸਬਸਿਡੀ ਨਾਲ ਸੰਬੰਧਿਤ $73 ਬਿਲੀਅਨ ਦੇਬਿਲ ਨੂੰ ਮਨਜੂਰੀ ਦੇ ਦਿੱਤੀ ਹੈ।
ਇਸ ਕਨੂੰਨ ਦੇ ਆਸਰੇ ਦੇਸ਼ ਦੇ ਵਪਾਰਾਂ ਅਤੇ ਕਾਮਿਆਂ ਨੂੰ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ, ਜੋ ਕਿ ਕੋਵਿਡ-19 ਦੇ ਕਾਰਨ ਬਣੇ ਹਾਲਾਤਾਂ 'ਚ ਵਿੱਤੀ ਸੰਕਟ ਨਾਲ ਜੂਝ ਰਹੇ ਹਨ।
ਇਹ ਬਿਲ 'ਔਨ ਡਿਵੀਜਨ' ਦੇ ਆਧਾਰ 'ਤੇ ਪਾਸ ਕੀਤਾ ਗਿਆ, ਯਾਨੀ ਕਿ ਬਿਲ ਨੂੰ ਲੈਕੇ ਹਾਊਸ ਵਿਚ ਕੁਝ ਵਿਰੋਧ ਸੀ ਪਰ ਇਸ ਸੰਬੰਧੀ ਕੋਈ ਰਿਕਾਰਡਿਡ ਵੋਟ ਨਹੀਂ ਹੋਇਆ।
ਇਸ ਕਨੂੰਨ ਦੇ ਆਸਰੇ ਕੰਪਨੀਆਂ ਨੂੰ ਹਰ ਵਰਕਰ ਦੀ ਤਨਖਾਹ 'ਤੇ 75% ਸਬਸਿਡੀ ਮਿਲੇਗੀ।
ਪ੍ਰਧਾਨ ਮੰਤਰੀ ਟਰੂਡੋ ਨੇ ਇਸ ਬਿਲ ਨੂੰ ਵਰਲਡ ਵਾਰ II ਤੋਂ ਬਾਅਦ, ਹੁਣ ਤਕ ਦਾ ਸਭ ਤੋਂ ਵੱਡਾ ਵਿੱਤੀ ਉਪਾਅ ਕਰਾਰ ਦਿੱਤਾ ਹੈ।
ਹੁਣ ਅੱਜ ਹੀ ਇਸ ਬਿਲ ਦੇ ਸੈਨੇਟ ਤੋਂ ਵੀ ਪਾਸ ਹੋ ਜਾਣ ਦੇ ਅਤੇ ਰਾਇਲ ਅਸੈਂਟ ਹਾਸਿਲ ਕਰ ਲੈਣ ਦੇ ਆਸਾਰ ਹਨ।
