ਨਾਨਾਇਮੋ ਆਰਸੀਐਮਪੀ ਅੱਗਜ਼ਨੀ ਦੀ ਘਟਨਾ ਦੀ ਕਰ ਰਿਹਾ ਜਾਂਚ

ਨਾਨਾਇਮੋ ਆਰਸੀਐਮਪੀ ਇੱਕ ਅੱਗਜ਼ਨੀ ਦੀ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਮਾਮਲਾ 12 ਜੁਲਾਈ ਦੀ ਅੱਧੀ ਰਾਤ ਦਾ ਹੈ ਜਦੋਂ ਇੱਕ ਅਣਪਛਾਤੇ ਸ਼ੱਕੀ ਨੇ ਕੈਨੇਡੀ ਸਟ੍ਰੀਟ ਦੇ 600 ਬਲਾਕ ਵਿਚ ਪੈਂਦੇ ਇੱਕ ਘਰ ਦੇ ਵਰਾਂਡੇ ਵਿਚ ਲੱਗੇ ਸੀਡਰ ਪਲਾਂਟਰ ਬਾਕਸ ਵਿਚ ਅੱਗ ਲਗਾ ਦਿੱਤੀ। ਘਰ ਦੇ ਮਾਲਕ ਨੇ ਅਚਾਨਕ ਅੱਗ ਦੀਆਂ ਲਪਟਾਂ ਦੇਖੀਆਂ ਅਤੇ 911 'ਤੇ ਫ਼ੋਨ ਕੀਤਾ।

ਨਾਨਾਇਮੋ ਫਾਇਰ ਐਂਡ ਰੈਸਕਿਊ ਨੇ ਤੁਰੰਤ ਪਹੁੰਚ ਕੇ ਕਾਰਵਾਈ ਕੀਤੀ ਅਤੇ ਘਰ ਦੇ ਬਾਹਰਲੇ ਹਿੱਸੇ ਨੂੰ ਹੋਣ ਵਾਲੇ ਕਿਸੇ ਵੀ ਨੁਕਸਾਨ ਨੂੰ ਰੋਕਿਆ। ਇੱਕ ਗੁਆਂਢੀ ਦੇ ਸੀਸੀਟੀਵੀ ਕੈਮਰੇ ਵਿਚ ਸੰਭਾਵੀ ਸ਼ੱਕੀ ਦੀ ਤਸਵੀਰ ਕੈਦ ਹੋ ਗਈ। ਪੁਲਿਸ ਨੇ ਹੁਣ ਉਸ ਦੀ ਤਲਾਸ਼ ਵਿਚ ਲੋਕਾਂ ਤੋਂ ਸਹਿਯੋਗ ਦੀ ਮੰਗ ਕੀਤੀ ਹੈ ਅਤੇ ਉਸ ਸਬੰਧੀ ਕੁਝ ਵੇਰਵੇ ਜਾਰੀ ਕੀਤੇ ਹਨ।