10.67C Vancouver 10.67C VancouverMar 20, 2020 2:06 AM -
ਨਿਰਭਿਆ ਗੈਂਗਰੇਪ ਮਾਮਲੇ ਦੇ ਚਾਰੇ ਦੋਸ਼ੀਆਂ ਨੂੰ ਫਾਂਸੀ ਲਗਾ ਦਿੱਤੀ ਗਈ ਹੈ।
ਸ਼ੁੱਕਰਵਾਰ ਸਵੇਰੇ 5.30 ਵਜੇ ਚਾਰੇ ਦੋਸ਼ੀਆਂ ਨੂੰ ਫਾਂਸੀ 'ਤੇ ਲਟਕਾ ਦਿੱਤਾ ਗਿਆ।
ਪੀੜਤ ਨਿਰਭਿਆ ਦੀ ਮਾਂ ਆਸ਼ਾ ਦੇਵੀ ਦਾ ਕਹਿਣਾ ਹੈ ਕਿ, 'ਅੱਜ ਦੇਸ਼ ਨੂੰ ਇਨਸਾਫ ਮਿਲਿਆ ਹੈ।'
ਸੁਪ੍ਰੀਮ ਕੋਰਟ ਵੱਲੋਂ ਦੋਸ਼ੀ ਪਵਨ ਗੁਪਤਾ ਦੀ ਮਰਸੀ ਪਟੀਸ਼ਨ ਯਾਨੀ ਕਿ ਦਿਆਯਾਚਿਕਾ ਖਾਰਿਜ ਕੀਤੇ ਜਾਣ ਤੋਂ ਬਾਅਦ, ਫਾਂਸੀ ਦਿੱਤੀ ਗਈ ਹੈ।
ਆਸ਼ਾ ਦੇਵੀ ਨੇ ਕਿਹਾ ਕਿ, 'ਅੱਜ ਬੇਟੀ ਨੂੰ ਇਨਸਾਫ ਮਿਲਿਆ ਹੈ ਤੇ ਮੈਂ ਸੰਤੁਸ਼ਟ ਮਹਿਸੂਸ ਕਰ ਰਹੀ ਹਾਂ।
ਸਾਰੇ ਦੇਸ਼ ਨੂੰ ਇਸ ਅਪਰਾਧ ਨੇ ਸ਼ਰਮਸਾਰ ਕੀਤਾ ਸੀ।
ਅੱਜ ਦੇਸ਼ ਨੂੰ ਇਨਸਾਫ ਮਿਲਿਆ ਹੈ।'
ਉਨ੍ਹਾਂ ਕੋਰਟ ਦਾ ਵੀ ਧੰਨਵਾਦ ਕੀਤਾ ਕਿ ਦੋਸ਼ੀਆਂ ਦੇ ਮਾਮਲੇ ਨੂੰ ਲਟਕਾਉਣ ਦੀਆਂ ਕੋਸ਼ਿਸ਼ਾਂ ਨੂੰ ਖਤਮ ਕੀਤਾ ਗਿਆ ਹੈ।
ਵੀਰਵਾਰ ਨੂੰ ਵੀ ਸੁਪ੍ਰੀਮ ਕੋਰਟ 'ਚ ਪਵਨ ਗੁਪਤਾ ਦੀ ਮਰਸੀ ਪਟੀਸ਼ਨ 'ਤੇ ਬਹਿਸ ਹੋਈ ਸੀ, ਜਿਸਨੂੰ ਅਦਾਲਤ ਨੇ ਮੰਨਣ ਤੋਂ ਇਨਕਾਰ ਕਰ ਦਿੱਤਾ।
ਸ਼ੁੱਕਰਵਾਰ ਤੜਕੇ ਕਰੀਬ 2.30 ਵਜੇ ਤਕ ਚੱਲੀ ਸੁਣਵਾਈ 'ਚ ਅਦਾਲਤ ਨੇ ਪਟੀਸ਼ਨ ਨੂੰ ਰੱਦ ਕਰ ਦਿੱਤਾ।
ਦਿੱਲੀ ਹਾਈ ਕੋਰਟ ਨੇ ਚਾਰੇ ਦੋਸ਼ੀਆਂ ਦੀ ਫਾਂਸੀ ਨੂੰ 'ਸਟੇਅ' ਕਰਨ ਤੋਂ ਇਨਕਾਰ ਕਰ ਦਿੱਤਾ।
