9.72C Vancouver 9.72C VancouverNov 17, 2023 6:48 PM - The Canadian Press
ਗਲੋਬਲ ਅਫੇਅਰਜ਼ ਕੈਨੇਡਾ ਮੁਤਾਬਕ ਕੈਨੇਡਾ ਨਾਲ ਸਬੰਧਤ 386 ਲੋਕ ਅਜੇ ਵੀ ਗਾਜ਼ਾ ਵਿੱਚ ਫਸੇ ਹੋਏ ਹਨ ਅਤੇ ਸਰਕਾਰ ਲਗਾਤਾਰ ਉਨ੍ਹਾਂ ਨਾਲ ਸੰਪਰਕ ਵਿੱਚ ਹੈ।
ਇਜ਼ਰਾਈਲ ਹਮਾਸ ਵਿਚਕਾਰ ਜਾਰੀ ਜੰਗ ਵਿਚਾਲੇ ਸ਼ੁੱਕਰਵਰ ਲਈ ਬਾਰਡਰ ਪਾਰ ਜਾਣ ਵਾਲੇ ਲੋਕਾਂ ਦੀ ਨਵੀਂ ਲਿਸਟ ਫਿਲਹਾਲ ਸਾਹਮਣੇ ਨਹੀਂ ਆਈ ਹੈ, ਜਿਸ ਕਾਰਨ ਬਹੁਤੇ ਕੈਨੇਡੀਅਨ ਨੂੰ ਰਫ਼ਾਹ ਕਰਾਸਿੰਗ ਜ਼ਰੀਏ ਗਾਜ਼ਾ ਤੋਂ ਨਿਕਲਣ ਲਈ ਥੋੜ੍ਹਾ ਲੰਮਾ ਸਮਾਂ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ।
ਸਰਕਾਰ ਮੁਤਾਬਕ ਪਿਛਲੇ ਦਿਨਾਂ ਵਿੱਚ ਕੈਨੇਡਾ ਨਾਲ ਸਬੰਧਤ ਕੁੱਲ 367 ਲੋਕ ਰਫ਼ਾਹ ਬਾਰਡਰ ਕਰਾਸਿੰਗ ਜ਼ਰੀਏ ਨਿਕਲ ਸਕੇ ਹਨ।
ਇਨ੍ਹਾਂ ਵਿੱਚੋਂ ਬੁੱਧਵਾਰ ਨੂੰ ਸਿਰਫ ਦੋ ਅਤੇ ਸੋਮਵਾਰ ਨੂੰ 10 ਲੋਕਾਂ ਨੇ ਬਾਰਡਰ ਪਾਰ ਕੀਤਾ। ਜ਼ਿਕਰਯੋਗ ਹੈ ਕਿ ਹਮਾਸ ਅੱਤਵਾਦੀਆਂ ਵੱਲੋਂ 7 ਅਕਤੂਬਰ ਨੂੰ ਅਚਾਨਕ ਇਜ਼ਰਾਈਲ 'ਤੇ ਤਾਬੜਤੋੜ ਹਮਲੇ ਬੋਲੇ ਗਏ ਸਨ ਜਿਸ ਮਗਰੋਂ ਇਜ਼ਰਾਇਲੀ ਫੌਜ ਹੁਣ ਗਾਜ਼ਾ ਵਿੱਚ ਉਨ੍ਹਾਂ ਦੇ ਖਾਤਮੇ ਲਈ ਓਪਰੇਸ਼ਨ ਚਲਾ ਰਹੀ ਹੈ।
ਇਜ਼ਰਾਈਲ ਦਾ ਕਹਿਣਾ ਹੈ ਕਿ ਉਸ ਦੇ ਸੈਨਿਕਾਂ ਨੂੰ ਗਾਜ਼ਾ ਦੇ Al-ਸ਼ਿਫਾ ਹਸਪਤਾਲ ਦੇ ਨੇੜੇ ਸਰਚ ਦੌਰਾਨ ਹਮਾਸ ਵੱਲੋਂ ਬੰਧਕ ਬਣਾਈ ਗਈ 19 ਸਾਲਾ ਸਿਪਾਹੀ ਨੋਆ ਮਾਰਸੀਆਨੋ ਦੀ ਲਾਸ਼ ਮਿਲੀ ਹੈ, ਜੋ ਹਮਾਸ ਵਲੋਂ ਬੰਧਕ ਬਣਾਏ ਗਏ 240 ਲੋਕਾਂ ਵਿਚ ਇੱਕ ਹੈ।
ਗਾਜ਼ਾ ਦੇ ਸਿਹਤ ਅਧਿਕਾਰੀਆਂ ਮੁਤਾਬਕ, ਜੰਗ ਵਿੱਚ ਹੁਣ ਤੱਕ 11,470 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
