14.68C Vancouver 14.68C VancouverJan 29, 2025 1:31 PM - The Canadian Press
ਕੈਲਗਰੀ ਦੇ ਮਿਸ਼ਨ ਨੇਬਰਹੁੱਡ ਵਿਚ ਇਕ ਸਟੋਰ ਤੋਂ ਪਿਛਲੇ ਹਫਤੇ ਕਰੀਬ 6 ਹਜ਼ਾਰ ਡਾਲਰ ਦੇ ਕੱਪੜੇ ਚੋਰੀ ਕਰਨ ਦੇ ਦੋਸ਼ ਵਿਚ 4 ਵਿਅਕਤੀਆਂ ਨੂੰ ਚਾਰਜ ਕੀਤਾ ਗਿਆ ਹੈ।
ਪੁਲਿਸ ਨੇ ਦੱਸਿਆ ਕਿ ਇਸ ਗਰੁੱਪ ਨੇ 4 ਸਟ੍ਰੀਟ ਅਤੇ 23 ਐਵੇਨਿਊ ਦੱਖਣ-ਪੱਛਮ ਦੇ ਲੂਲਿਊਮੋਨ ਸਟੋਰ ਵਿਚ ਸ਼ੌਪਿੰਗ ਬਹਾਨੇ ਕਾਫੀ ਕੱਪੜੇ ਇਕੱਠੇ ਕੀਤੇ ਅਤੇ ਬਿਨਾਂ ਪੈਸੇ ਦਿੱਤੇ ਇਹ ਫਰਾਰ ਹੋ ਗਏ। ਜਾਂਚ ਅਧਿਕਾਰੀਆਂ ਮੁਤਾਬਕ ਇੱਥੇ ਮੌਜੂਦ ਲੋਕਾਂ ਨੇ ਉਨ੍ਹਾਂ ਨੂੰ ਕਾਫੀ ਜਾਣਕਾਰੀ ਦਿੱਤੀ, ਜਿਸ ਦੀ ਮਦਦ ਨਾਲ ਬ੍ਰਿਜਲੈਂਡ ਦੇ ਘਰ ਬਾਹਰੋਂ ਪਾਰਕ ਕੀਤਾ ਵਾਹਨ ਜ਼ਬਤ ਕੀਤਾ ਗਿਆ।
ਔਫੀਸਰਜ਼ ਨੇ ਘਰ ਦੀ ਜਾਂਚ ਕੀਤੀ ਅਤੇ ਅੰਦਰ ਮੌਜੂਦ 5 ਵਿਅਕਤੀਆਂ ਨੂੰ ਹਿਰਾਸਤ ਵਿਚ ਲਿਆ। ਪੁਲਿਸ ਨੂੰ ਜਦ ਪਤਾ ਲੱਗਾ ਕਿ ਇਨ੍ਹਾਂ ਵਿਚੋਂ ਇਕ ਇਸ ਚੋਰੀ ਵਿਚ ਮੌਜੂਦ ਨਹੀਂ ਸੀ ਤਾਂ ਉਨ੍ਹਾਂ ਨੇ ਇਕ ਨੂੰ ਰਿਹਾਅ ਕਰ ਦਿੱਤਾ। ਚੋਰੀ ਦਾ ਸਮਾਨ ਇਸ ਦੇ ਮਾਲਕ ਨੂੰ ਵਾਪਸ ਕਰ ਦਿੱਤਾ ਗਿਆ ਹੈ। ਪੁਲਿਸ ਨੇ ਚੈਨਟੇਲ ਬੇਰਹਾਟ, ਮਿਰਾਂਡਾ ਨੈਸ਼ਕੈਪੋ, ਨਿਕੋਲਸ ਵੁਲਫੀਅਰ ਅਤੇ ਗਿਲਬਰਟ ਪੀਸ ਨੂੰ $5,000 ਤੋਂ ਵੱਧ ਦੀ ਚੋਰੀ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਹੈ। ਨੈਸ਼ਕੈਪੋ ਅਤੇ ਵੁਲਫੀਅਰ ਰਿਹਾਈ ਦੀਆਂ ਸ਼ਰਤਾਂ ਦੀ ਉਲੰਘਣਾ ਦੇ ਚਾਰਜਿਜ਼ ਦਾ ਵੀ ਸਾਹਮਣਾ ਕਰ ਰਹੇ ਹਨ।
