29.19C Vancouver 29.19C VancouverJan 6, 2025 7:03 PM - Connect Newsroom
ਚੀਨ ਵਿਚ ਫੈਲੇ ਕੋਰੋਨਾ ਵਰਗੇ ਵਾਇਰਸ ਐਚ.ਐਮ.ਪੀ.ਵੀ. ਦਾ ਭਾਰਤ ਵਿਚ ਤੀਜਾ ਕੇਸ ਪਾਇਆ ਗਿਆ ਹੈ। ਸੋਮਵਾਰ ਨੂੰ ਅਹਿਮਦਾਬਾਦ ਵਿਚ 2 ਮਹੀਨੇ ਦੇ ਬੱਚੇ ਵਿਚ ਇਸ ਸੰਕਰਮਣ ਦੀ ਪੁਸ਼ਟੀ ਹੋਈ। ਇਹ ਬੱਚਾ ਰਾਜਸਥਾਨੀ ਪਰਿਵਾਰ ਦਾ ਹੈ ਅਤੇ ਇਲਾਜ ਲਈ ਅਹਿਮਦਾਬਾਦ ਲਿਆਂਦਾ ਗਿਆ ਹੈ।
ਇਸ ਤੋਂ ਪਹਿਲਾ ਕਰਨਾਟਕ ਵਿਚ 3 ਮਹੀਨੇ ਦੀ ਬੱਚੀ ਅਤੇ 8 ਮਹੀਨੇ ਦੇ ਲੜਕੇ ਵਿਚ ਇਹ ਵਾਇਰਸ ਪਾਇਆ ਗਿਆ ਸੀ। ਦੋਵਾਂ ਬੱਚਿਆਂ ਦੀ ਬੈਂਗਲੁਰੂ ਦੇ ਇੱਕ ਹਸਪਤਾਲ ਵਿੱਚ ਜਾਂਚ ਕੀਤੀ ਗਈ ਸੀ। ਐਚ.ਐਮ.ਪੀ.ਵੀ. ਵਾਇਰਸ ਨਾਲ ਸੰਕਰਮਿਤ ਹੋਣ ’ਤੇ ਮਰੀਜ਼ ਵਿਚ ਜ਼ੁਕਾਮ ਅਤੇ ਕੋਵਿਡ ਵਰਗੇ ਲੱਛਣ ਦਿਸਦੇ ਹਨ।
ਇਸ ਦਾ ਸਭ ਤੋਂ ਵੱਧ ਅਸਰ ਛੋਟੇ ਬੱਚਿਆਂ ’ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਐਚ.ਐਮ.ਪੀ.ਵੀ. ਦੇ ਕੇਸ ਭਾਰਤ ਵਿਚ ਮਿਲਣ ਮਗਰੋਂ ਅੱਜ ਭਾਰਤੀ ਸ਼ੇਅਰ ਬਾਜ਼ਾਰ ਵਿਚ ਡਰ ਦਾ ਮਾਹੌਲ ਦੇਖਣ ਨੂੰ ਮਿਲਿਆ, ਸੈਂਸਕਸ 1,258 ਅੰਕ ਦੀ ਵੱਡੀ ਗਿਰਾਵਟ ਨਾਲ ਬੰਦ ਹੋਇਆ, ਜਿਸ ਨਾਲ ਨਿਵੇਸ਼ਕਾਂ ਦੇ 11 ਲੱਖ ਕਰੋੜ ਰੁਪਏ ਸਵਾਹਾ ਹੋ ਗਏ।
