9.73C Vancouver 9.73C VancouverNov 29, 2021 8:26 PM - The Canadian Press
ਕਿਊਬੈਕ ਦੇ ਸਿਹਤ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਹੈ ਕਿ ਸੂਬੇ 'ਚ ਕੋਵਿਡ-19 ਦੇ ਨਵੇਂ ਅਤੇ ਬੇਹੱਦ ਖਤਰਨਾਕ ਮੰਨੇ ਜਾ ਰਹੇ ਵੇਰੀਐਂਟ ਓਮੀਕਰੌਨ ਦਾ ਇੱਕ ਮਾਮਲਾ ਰਿਪੋਰਟ ਹੋਇਆ ਹੈ।
ਸਿਹਤ ਮੰਤਰੀ ਕ੍ਰਿਸਟੀਅਨ ਡੁਬੇ ਨੇ ਇਸ ਸੰਬੰਧੀ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਜਾਣਕਾਰੀ ਦਿੱਤੀ।
ਡੁਬੇ ਨੇ ਕਿਹਾ ਕਿ ਦੱਖਣੀ ਅਫ੍ਰੀਕਾ ਸੰਬੰਧੀ ਦੇਸ਼ਾਂ ਤੋਂ ਹਾਲ 'ਚ ਯਾਤਰਾ ਕਰ ਕੇ ਪਰਤੇ 115 ਲੋਕਾਂ ਨੂੰ ਸੂਬੇ ਨੇ ਆਈਸੋਲੇਟ ਕਰਨ ਨੂੰ ਕਿਹਾ ਹੈ ਅਤੇ ਸਭ ਨੂੰ ਪੀ.ਸੀ.ਆਰ. ਟੈਸਟ ਹਾਸਿਲ ਕਰਨ ਲਈ ਆਖਿਆ ਹੈ।
ਯਾਦ ਰਹੇ ਇਸ ਤੋਂ ਪਹਿਲਾਂ ਔਂਟੈਰੀਓ ਨੇ ਇਸ ਵਾਇਰਸ ਦੇ ਕੈਨੇਡਾ ਦੇ ਪਹਿਲੇ 2 ਮਾਮਲੇ ਰਿਪੋਰਟ ਕੀਤੇ ਸਨ।
ਸੂਬੇ ਦਾ ਕਹਿਣਾ ਸੀ ਕਿ ਵਾਇਰਸ ਤੋਂ ਪ੍ਰਭਾਵਿਤ ਲੋਕ ਹਾਲ 'ਚ ਨਾਈਜੀਰੀਆ 'ਚ ਰਹੇ ਸਨ।
ਉਨ੍ਹਾਂ ਦੇ ਔਟਵਾ ਦੀ ਯਾਤਰਾ ਤੋਂ ਪਹਿਲਾਂ ਦੋਵਾਂ ਨੂੰ ਮੌਂਟਰੀਅਲ 'ਚ ਟੈਸਟ ਕੀਤਾ ਗਿਆ ਸੀ।
