15.32C Vancouver 15.32C VancouverJul 27, 2021 3:10 PM -
ਔਸਟ੍ਰੇਲਿਆ ਤੋਂ 34 ਫਾਇਰ ਫਾਈਟਰਸ ਅੱਜ ਬੀ ਸੀ ਪਹੁੰਚ ਜਾਣਗੇ।
ਪਹਿਲਾਂ ਹੀ ਬੀ ਸੀ ਵਿੱਚ ਜਲ ਰਹੀਆਂ ਜੰਗਲੀ ਅੱਗਾਂ ਨੂੰ ਕਾਬੂ ਕਰਨ ਲਈ ਮੇਕਸਿਕੋ, ਅਲਬਰਟਾ, ਕੂਏਬੇਕ ਅਤੇ ਪਾਰਕਸ ਕੈਨੇਡਾ ਤੋਂ ਅਤੇ ਕੈਨੇਡਾ ਦੀ ਫੌਜ ਤੋਂ ਸੈਂਕੜਿਆਂ ਦੀ ਗਿਣਤੀ ਵਿੱਚ ਆਏ ਫਾਇਰ ਫਾਈਟਰਸ ਮੱਦਦ ਕਰ ਰਹੇ ਹਨ।
ਬੀ ਸੀ ਦੀ ਸਰਕਾਰ ਦੇ ਮੁਤਾਬਿਕ ਔਸਟ੍ਰੇਲਿਆ ਤੋਂ ਆਉਣ ਵਾਲੇ ਅਮਲੇ ਵਿੱਚ ਇੱਕ 9 ਵਿਅਕਤੀਆਂ ਦੀ ਇੰਸੀਡੈਂਟ ਮੈਨੇਜਮੈਂਟ ਟੀਮ ਹੋਵੇਗੀ।
ਇਸ ਤੋਂ ਇਲਾਵਾ ਕਈ ਵਿਸ਼ੇਸ਼ ਮਾਹਰ ਹੋਣਗੇ ਜੋ ਕਿ ਬੀ ਸੀ ਵਾਇਲਡ ਫਾਇਰ ਸਰਵਿਸਸ ਦੀਆਂ ਹਿਦਾਇਤਾਂ ਦੇ ਮੁਤਾਬਿਕ ਕੰਮ ਕਰਨਗੇ।
ਬੀ ਸੀ ਤੋਂ ਬਾਹਰੋਂ ਆਏ ਇਹ ਫਾਇਰ ਫਾਈਟਰਸ ਕੋਵਿਡ 19 ਕਰਕੇ ਸਖਤ ਨਿਯਮਾਂ ਦਾ ਪਾਲਣ ਵੀ ਕਰ ਰਹੇ ਹਨ।
ਬੀ ਸੀ ਵਿੱਚ ਜਲ ਰਹੀਆਂ ਜੰਗਲੀ ਅੱਗਾਂ ਨੂੰ ਕਾਬੂ ਕਰਨ ਲਈ ਇਸ ਸਮੇਂ ਤਕਰੀਬਨ 3500 ਵਿਅਕਤੀ ਜੁਟੇ ਹੋਏ ਹਨ।
ਇਹਨਾਂ ਵਿੱਚੋਂ ਬਹੁਤੇ ਲੋਅਰ ਮੇਨਲੈਂਡ, ਵੈਨਕੂਵਰ ਆਈਲੈਂਡ ਅਤੇ ਇੰਟਿਰਿਯਰ ਦੇ ਇਲਾਕੇ ਵਿੱਚ ਤੈਨਾਤ ਹਨ।
