12.22C Vancouver 12.22C VancouverNov 23, 2021 1:17 AM - Connect News
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ 34 ਅਫਸਰਾਂ ਨੂੰ ਅਲੈਕਸਾ'ਸ ਟੀਮ ਵੱਲੋਂ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।
ਇਨ੍ਹਾਂ ਅਫਸਰਾਂ ਦੇ ਇੰਪੇਅਰਡ ਵਾਹਨ ਚਾਲਕਾਂ ਨੂੰ ਸੜਕ ਤੋਂ ਹਟਾਉਣ ਦੀਆਂ ਕੋਸ਼ਿਸ਼ਾਂ ਤਹਿਤ ਇਹ ਸਨਮਾਨ ਪੇਸ਼ ਕੀਤਾ ਜਾ ਰਿਹਾ ਹੈ।
ਇਨ੍ਹਾਂ ਅਫਸਰਾਂ ਨੇ 1,219 ਅਜਿਹੇ ਚਾਲਕਾਂ ਨੂੰ ਸਾਲ 2020 ਦੌਰਾਨ ਸੜਕ ਤੋਂ ਹਟਾਉਣ 'ਚ ਯੋਗਦਾਨ ਪਾਇਆ।
ਅਲੈਕਸਾ'ਸ ਟੀਮ ਨੂੰ ਸਾਲ 2008 'ਚ ਲਾਂਚ ਕੀਤਾ ਗਿਆ ਸੀ।
ਇਸ ਨੂੰ 4 ਸਾਲਾ ਅਲੈਕਸਾ ਮਿਡਲਰ ਦੇ ਲਈ ਟ੍ਰਿਬਿਊਟ ਵਜੋਂ ਸ਼ੁਰੂ ਕੀਤਾ ਗਿਆ ਸੀ।
ਅਲੈਕਸਾ ਮਿਡਲਰ ਦੀ ਇੱਕ ਸ਼ਰਾਬੀ ਵਾਹਨ ਚਾਲਕ ਕਾਰਨ ਜਾਨ ਜਾਂਦੀ ਰਹੀ ਸੀ।
ਹਰ ਸਾਲ ਅਲੈਕਸਾ'ਸ ਟੀਮ ਵੱਲੋਂ ਬੀ.ਸੀ. ਦੇ ਅਜਿਹੇ ਅਫਸਰਾਂ ਦੀ ਚੋਣ ਕੀਤੀ ਜਾਂਦੀ ਹੈ ਜੋ ਕਿ ਸੂਬੇ ਦੀਆਂ ਸੜਕਾਂ ਤੋਂ ਇੰਪੇਅਰਡ ਵਾਹਨ ਚਾਲਕਾਂ ਨੂੰ ਹਟਾਉਣ 'ਚ ਵਧ-ਚੜ੍ਹਕੇ ਯੋਗਦਾਨ ਪਾਉਂਦੇ ਹਨ।
ਇਸ 'ਚ ਕਾਂਸਟੇਬਲ ਮਰੇ ਮੈਕਲੈਨਨ ਨੂੰ ਸੂਚੀ 'ਚ ਸਭ ਤੋਂ ਉੱਪਰ ਦੀ ਜਗ੍ਹਾ ਹਾਸਿਲ ਹੋਈ ਹੈ।
ਉਨ੍ਹਾਂ 104 ਇੰਪੇਅਰਡ ਡਰਾਈਵਿੰਗ ਇਨਵੈਸਟੀਗੇਸ਼ਨਸ ਨੂੰ ਅੰਜਾਮ ਦਿੱਤਾ।
ਸਰੀ ਆਰ.ਸੀ.ਐਮ.ਪੀ. ਕਮਿਊਨਿਟੀ ਸਰਵਿਸਿਸ ਆਫਿਸਰ ਸੁਪਰਡੈਂਟ, ਆਰਨ ਪੈਰਾਡੀਸ ਦਾ ਕਹਿਣਾ ਹੈ ਕਿ ਅਫ਼ਸਰ ਟਾਰਗੈਟਿਡ ਟਰੈਫਿਕ ਐਨਫੋਰਸਮੈਂਟ ਆਸਰੇ ਅਜਿਹੇ ਲੋਕਾਂ ਨੂੰ ਸੜਕ ਤੋਂ ਹਟਾਉਂਦੇ ਹਨ ਅਤੇ ਇਸ ਨਾਲ ਹੋਰ ਵਾਹਨ ਚਾਲਕਾਂ ਦੀ ਸੇਫਟੀ ਪੁਖਤਾ ਹੋ ਪਾਉਂਦੀ ਹੈ।
