10.16C Vancouver 10.16C VancouverSep 18, 2020 8:02 PM -
ਬੀ.ਸੀ. ਟੀਚਰਸ ਫੈਡਰੇਸ਼ਨ ਨੇ ਲੇਬਰ ਰਿਲੇਸ਼ਨ ਬੋਰਡ ਤੋਂ ਮੰਗ ਕੀਤੀ ਹੈ ਕਿ ਕੋਵਿਡ-19 ਪੈਂਡੇਮਿਕ ਦਰਮਿਆਨ ਉਨ੍ਹਾਂ ਦੀ ਸਿਹਤ ਅਤੇ ਸੁਰੱਖਿਆ ਸੰਬੰਧੀ ਕਦਮਾਂ ਬਾਰੇ ਚਿੰਤਾ 'ਤੇ ਗੌਰ ਕੀਤਾ ਜਾਵੇ।
ਬੋਰਡ ਕੋਲ ਪੇਸ਼ ਕੀਤੇ ਗਏ ਦਸਤਾਵੇਜ਼ਾਂ 'ਚ ਦੱਸਿਆ ਗਿਆ ਹੈ ਕਿ ਕਈ ਮੈਂਬਰਾਂ ਨੇ ਸਕੂਲਾਂ 'ਚ ਸਿਹਤ ਅਤੇ ਸੁਰੱਖਿਆ ਕਦਮਾਂ ਦੀ ਲੋੜ ਅਨੁਸਾਰ ਪਾਲਣਾ ਨਾ ਹੋਣ ਦੀ ਗੱਲ ਆਖੀ ਹੈ।
ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਪ੍ਰੋਵਿੰਸ਼ੀਅਲ ਸਰਕਾਰ ਵੱਲੋਂ ਕੀਤੇ ਗਏ ਵਾਅਦੇ ਅਨੁਸਾਰ, ਸਕੂਲਾਂ ਦੀ ਮੁੜ ਸ਼ੁਰੂਆਤ ਮੌਕੇ ਜ਼ਰੂਰੀ ਬਚਾਅ ਕਦਮ ਨਹੀਂ ਚੁੱਕੇ ਜਾ ਰਹੇ।
ਟੀਚਰਾਂ ਨੇ ਲੇਬਰ ਰਿਲੇਸ਼ਨ ਕੋਡ ਤਹਿਤ ਸ਼ਿਕਾਇਤ ਦਰਜ ਕੀਤੀ ਹੈ।
ਬੀ.ਸੀ. ਦੇ ਸਿੱਖਿਆ ਮੰਤਰੀ ਰੌਬ ਫਲੈਮਿੰਗ ਨੇ ਅੱਜ ਬੀ.ਸੀ. ਟੀਚਰ ਫੈਡਰੇਸ਼ਨ ਦੀ ਸ਼ਿਕਾਇਤ ਸੰਬੰਧੀ ਗੱਲਬਾਤ ਕੀਤੀ।
ਇਸੇ ਦੌਰਾਨ ਉਨ੍ਹਾਂ ਕਿਹਾ ਕਿ ਸਕੂਲਾਂ 'ਚ ਵਾਪਸੀ ਦਾ ਪਹਿਲਾ ਹਫ਼ਤਾ ਠੀਕ ਰਿਹਾ ਹੈ, ਪਰ ਉਨ੍ਹਾਂ ਮੰਨਿਆ ਕਿ ਅਜੇ ਇਸ 'ਚ ਹੋਰ ਸੁਧਾਰ ਦੀ ਲੋੜ ਹੋਵੇਗੀ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸਕੂਲੀ ਵਿਦਿਆਰਥੀਆਂ ਲਈ ਜ਼ਰੂਰੀ ਹੈ ਕਿ ਡਾ. ਬੌਨੀ ਹੈਨਰੀ ਵੱਲੋਂ ਦਿੱਤੀਆਂ ਜਾ ਰਹੀਆਂ ਹਿਦਾਇਤਾਂ ਦਾ ਧਿਆਨ ਅਤੇ ਪਾਲਣਾ ਕੀਤੀ ਜਾਵੇ।
