11.1C Vancouver 11.1C VancouverMay 29, 2025 1:38 PM - The Canadian Press
ਮੈਨੀਟੋਬਾ,ਸਸਕੈਚਵਨ ਅਤੇ ਐਲਬਰਟਾ ਵਿਚ ਜੰਗਲਾਂ ਦੀ ਅੱਗ ਕਾਰਨ ਹਜ਼ਾਰਾਂ ਲੋਕਾਂ ਨੂੰ ਘਰ ਛੱਡਣ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ। ਮੈਨੀਟੋਬਾ ਸਰਕਾਰ ਨੇ ਪੂਰੇ ਸੂਬੇ ਵਿਚ ਐਮਰਜੈਂਸੀ ਦੀ ਸਥਿਤੀ ਦਾ ਐਲਾਨ ਕੀਤਾ ਹੈ ਕਿਉਂਕਿ ਜੰਗਲ ਦੀ ਅੱਗ ਨਾਲ ਸੂਬੇ ਭਰ ਦੇ ਕਈ ਇਲਾਕਿਆਂ ਵਿਚ ਖਤਰਾ ਬਣਿਆ ਹੋਇਆ ਹੈ।
ਪ੍ਰੀਮੀਅਰ ਵੈਬ ਕੀਨਿਊ ਮੁਤਾਬਕ, ਉੱਤਰੀ ਅਤੇ ਪੂਰਬੀ ਮੈਨੀਟੋਬਾ ਵਿਚ ਅੱਗ ਵਧਣ ਕਾਰਨ 17,000 ਲੋਕਾਂ ਤੋਂ ਘਰ ਖਾਲੀ ਕਰਵਾਏ ਜਾ ਚੁੱਕੇ ਹਨ। ਪ੍ਰੀਮੀਅਰ ਨੇ ਬੀਤੇ ਕੱਲ੍ਹ ਪ੍ਰਧਾਨ ਮੰਤਰੀ ਕਾਰਨੀ ਨਾਲ ਸਥਿਤੀ ਬਾਰੇ ਗੱਲ ਕੀਤੀ,ਜਿਨ੍ਹਾਂ ਵਿਨੀਪੈੱਗ ਲਈ ਜਲਦ ਨਿਕਾਸੀ ਉਡਾਣਾਂ ਦੀ ਤਾਇਨਾਤੀ ਵਾਸਤੇ ਫੌਜ ਭੇਜਣ ਦੀ ਹਰੀ ਝੰਡੀ ਦਿੱਤੀ। ਸਸਕੈਚਵਨ ਵਿਚ ਤਿੰਨ ਫਰਸਟ ਨੇਸ਼ਨ ਨੇ ਐਮਰਜੈਂਸੀ ਲਾਗੂ ਕੀਤੀ ਹੈ।
ਉਥੇ ਹੀ,ਐਲਬਰਟਾ ਵਿਚ ਬੁੱਧਵਾਰ ਦੇਰ ਸ਼ਾਮ ਚਿਪੇਵੀਅਨ ਲੇਕ ਇਲਾਕੇ ਦੇ ਨਿਵਾਸੀਆਂ ਲਈ ਜ਼ਰੂਰੀ ਨਿਕਾਸੀ ਹੁਕਮ ਜਾਰੀ ਕੀਤੇ ਗਏ ਅਤੇ ਵੀਰਵਾਰ ਸਵੇਰ ਸੂਬੇ ਦੇ ਰੈੱਡ ਅਰਥ ਕ੍ਰੀਕ ਦੇ ਲੋਕਾਂ ਨੂੰ ਤੁਰੰਤ ਘਰ ਛੱਡਣ ਲਈ ਆਦੇਸ਼ ਦਿੱਤੇ ਗਏ ਸਨ।
