ਵੈਲਨਟਾਈਨ ਡੇਅ ਮੌਕੇ ਹਜ਼ਾਰਾਂ ਡਰਾਈਵਰ ਹੜਤਾਲ ’ਤੇ

ਕੈਨੇਡਾ, ਅਮਰੀਕਾ ਅਤੇ ਯੂ. ਕੇ. ਵਰਗੇ ਮੁਲਕਾਂ ਵਿਚ ਉਬੇਰ ਅਤੇ ਲਿਫਟ ਦੇ ਹਜ਼ਾਰਾਂ ਡਰਾਈਵਰ ਅੱਜ ਵੈਲਨਟਾਈਨ ਡੇਅ ਮੌਕੇ ਇੱਕ ਦਿਨ ਦੀ ਹੜਤਾਲ ’ਤੇ ਜਾ ਰਹੇ ਹਨ।

ਕੈਨੇਡਾ ਵਿਚ ਇਨ੍ਹਾਂ ਦੀ ਅਗਵਾਈ ਕਰਨ ਵਾਲੀ ਸੰਸਥਾ ਰਾਈਡਰ ਫੇਅਰ ਟੂ ਦਾ ਕਹਿਣਾ ਹੈ ਕਿ ਇੱਥੇ ਟੋਰਾਂਟੋ, ਵੈਨਕੁਵਰ ਅਤੇ ਵਿਨੀਪੈਗ ਵਿਚ ਉਸ ਦੇ ਮੈਂਬਰਸ ਹੜਤਾਲ ਵਿਚ ਸ਼ਾਮਲ ਹੋ ਰਹੇ ਹਨ। ਰਾਈਡਰ ਫੇਅਰ ਟੂ ਮੁਤਾਬਕ, ਉਬੇਰ ਅਤੇ ਲਿਫਟ ਡਰਾਈਵਰ ਨੂੰ ਬਹੁਤ ਘੱਟ ਤਨਖ਼ਾਹ ਮਿਲ ਰਹੀ ਹੈ।

ਟੋਰਾਂਟੋ ਵਿਚ ਕਈ ਸਾਰੇ ਰਾਈਡਰ ਸ਼ੇਅਰ ਡਰਾਈਵਰ ਪ੍ਰਤੀ ਘੰਟਾ ਸਿਰਫ $6.37 ਕਮਾ ਰਹੇ ਹਨ, ਜਦੋਂ ਕਿ ਓਨਟਾਰੀਓ ਦੀ ਘੱਟੋ-ਘੱਟ ਮਜ਼ਦੂਰੀ $16.55 ਪ੍ਰਤੀ ਘੰਟਾ ਹੈ।

ਹਾਲਾਂਕਿ ਓਬੇਰ ਦਾ ਕਹਿਣਾ ਕਿ ਉਸ ਨੂੰ ਵੈਲਨਟਾਈਨ ਡੇਅ ’ਤੇ ਹੜਤਾਲ ਦਾ ਬਹੁਤਾ ਪ੍ਰਭਾਵ ਪੈਣ ਦੀ ਉਮੀਦ ਨਹੀਂ। ਇਹ ਇਸ ਲਈ ਕਿਉਂਕਿ ਜ਼ਿਆਦਾਤਰ ਡਰਾਈਵਰ ਸੰਤੁਸ਼ਟ ਹਨ।