13.92C Vancouver 13.92C VancouverFeb 6, 2024 5:05 PM - The Canadian Press
ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਵਲੋਂ ਸਪੌਂਸਰ ਕੀਤੇ ਗਏ ਕਾਰ ਚੋਰੀ ਮੋਸ਼ਨ ਮੰਗਲਵਾਰ ਨੂੰ ਹਾਊਸ ਆਫ ਕਾਮਨਜ਼ ਵਿਚ ਪੇਸ਼ ਕੀਤਾ ਜਾ ਚੁੱਕਾ ਹੈ।
ਕੰਜ਼ਰਵੇਟਿਵ ਵਲੋਂ ਇਸ ਮੋਸ਼ਨ ਵਿਚ ਕਾਰ ਚੋਰੀ ਕਰਨ ਵਾਲੇ ਕ੍ਰਿਮੀਨਲਸ ਲਈ ਘਰ ਦੀ ਨਜ਼ਰਬੰਦੀ ਖ਼ਤਮ ਕਰਨ ਅਤੇ ਉਨ੍ਹਾਂ ਨੂੰ ਜੇਲ੍ਹ ਭੇਜਣ ਦੀ ਮੰਗ ਕੀਤੀ ਗਈ ਹੈ।
ਵਿਰੋਧੀ ਧਿਰ ਨੇ ਮੰਗ ਕੀਤੀ ਹੈ ਕਿ ਕ੍ਰਿਮੀਨਲ ਕੋਡ ਨੂੰ ਸਖ਼ਤ ਕੀਤਾ ਜਾਵੇ ਅਤੇ ਕਾਰ ਚੋਰੀ ਕਰਨ ਵਾਲੇ ਅਪਰਾਧੀਆਂ ਨੂੰ ਸਿਰਫ ਜੇਲ੍ਹ ਵਿਚ ਰੱਖਿਆ ਜਾਵੇ। ਇਸ ਤੋਂ ਇਲਾਵਾ ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਅਤੇ ਆਰ. ਸੀ. ਐੱਮ. ਪੀ. ਨੂੰ ਹੋਰ ਮਜਬੂਤ ਕਰਨ ਦੀ ਮੰਗ ਕੀਤੀ ਗਈ ਹੈ।
ਕੰਜ਼ਰਵੇਟਿਵ ਦਾ ਕਹਿਣਾ ਹੈ ਕਿ ਮਾਂਟਰੀਅਲ ਦੀ ਬੰਦਰਗਾਹ ਤੋਂ ਹਰ ਸਾਲ ਕਰੀਬ 5,80,000 ਕੰਟੇਨਰ ਭੇਜੇ ਜਾਂਦੇ ਹਨ, ਜਿਨ੍ਹਾਂ ਦੀ ਜਾਂਚ ਲਈ ਬਾਰਡਰ ਸਰਵਿਸ ਏਜੰਸੀ ਕੋਲ ਅਧਿਕਾਰੀਆਂ ਦੀ ਸਖ਼ਤ ਘਾਟ ਹੈ, ਇਸ ਦੇ ਚੱਲਦੇ ਇਨ੍ਹਾਂ ਦੀ ਪੂਰੀ ਜਾਂਚ ਨਹੀਂ ਹੁੰਦੀ ਤੇ ਇਹ ਚੋਰੀ ਦੇ ਵਾਹਨਾਂ ਦੀ ਸ਼ਿਪਮੈਂਟ ਲਈ ਵੱਡਾ ਹੱਬ ਬਣ ਚੁੱਕਾ ਹੈ।
