11.61C Vancouver 11.61C VancouverDec 17, 2022 1:46 AM - Connect News
ਐਬਟਸਫੋਰਡ 'ਚ ਇੱਕ ਜੋੜੇ ਦੇ ਕਤਲ ਦੇ ਮਾਮਲੇ 'ਚ 3 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
9 ਮਈ ਨੂੰ 77 ਸਾਲਾ ਆਰਨੌਲਡ ਡੀ ਜੌਂਗ ਅਤੇ ਉਨ੍ਹਾਂ ਦੀ 76 ਸਾਲਾ ਪਤਨੀ ਜੋਐਨ ਡੀ ਜੌਂਗ ਦੇ ਮ੍ਰਿਤ ਸ਼ਰੀਰ ਉਨ੍ਹਾਂ ਦੇ ਘਰ 'ਚ ਮਿਲੇ ਸਨ।
ਬੁਜ਼ੁਰਗ ਜੋੜੇ ਬਾਰੇ ਦੱਸਿਆ ਗਿਆ ਸੀ ਕਿ ਉਹ ਇੱਕ ਲੋਕਲ ਟਰੱਕਿੰਗ ਕੰਪਨੀ ਦੇ ਫਾਊਂਡਰ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਸਰ੍ਹੀ ਦੇ 3 ਲੋਕਾਂ 'ਤੇ ਫਰਸਟ ਡਿਗਰੀ ਕਤਲ ਦੇ 2-2 ਦੋਸ਼ ਲੱਗੇ ਹਨ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ/ਆਈ.ਹਿਟ ਤੋਂ ਸਰਜੈਂਟ ਟਿਮੋਥੀ ਪਿਰੋਟੀ ਦਾ ਕਹਿਣਾ ਸੀ ਕਿ ਕਤਲ ਦੀਆਂ ਦੋਵਾਂ ਵਾਰਦਾਤਾਂ ਦੇ ਮਾਮਲੇ 'ਚ 20 ਸਾਲਾ ਗੁਰਕਰਨ ਸਿੰਘ, 22 ਸਾਲਾ ਅਭਿਜੀਤ ਸਿੰਘ ਅਤੇ 22 ਸਾਲਾ ਖੁਸ਼ਵੀਰ ਤੂਰ 'ਤੇ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਹਨ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਤਿੰਨਾਂ ਸ਼ੱਕੀਆਂ ਵਿੱਚੋਂ ਇੱਕ ਪੀੜਤ ਜੋੜੇ ਨੂੰ ਜਾਣਦਾ ਸੀ ਪਰ ਫਿਲਹਾਲ ਇਸ ਤੋਂ ਵਧੇਰੇ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ ਹੈ।
