23.86C Vancouver 23.86C VancouverJul 8, 2020 9:19 PM -
ਐਡਮਿੰਟਨ ਦੇ ਇੱਕ ਹਸਪਤਾਲ 'ਚ ਮਰੀਜ਼ਾਂ ਦੇ ਦਾਖਿਲੇ ਬੰਦ ਕਰ ਦਿੱਤੇ ਗਏ ਹਨ।
ਅਜਿਹਾ ਕੋਵਿਡ-19 ਆਊਟਬ੍ਰੇਕ ਕਾਰਨ ਕੀਤਾ ਜਾ ਰਿਹਾ ਹੈ।
ਮਾਮਲਾ ਮਿਸੈਰੀਕੌਰਡੀਆ ਕਮਿਊਨਿਟੀ ਹਸਪਤਾਲ ਨਾਲ ਜੁੜਿਆ ਹੈ।
ਕਰੀਬ ਦੋ ਹਫ਼ਤੇ ਪਹਿਲਾਂ ਇਸ ਹਸਪਤਾਲ 'ਚ ਆਊਟਬ੍ਰੇਕ ਬਾਰੇ ਐਲਬਰਟਾ ਦੀ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਡੀਨਾ ਹਿੰਸ਼ਾ ਨੇ ਜਾਣਕਾਰੀ ਦਿੱਤੀ ਸੀ।
ਮਾਮਲਿਆਂ ਦੇ ਵਧਣ ਦੇ ਨਾਲ ਪਬੰਦੀਆਂ 'ਚ ਵਾਧਾ ਕੀਤਾ ਗਿਆ ਹੈ।
ਐਲਬਰਟਾ ਹੈਲਥ ਸਰਵਿਸਿਜ਼ ਦਾ ਕਹਿਣਾ ਹੈ ਕਿ 20 ਮਰੀਜ਼ ਅਤੇ 15 ਸਟਾਫ ਮੈਂਬਰ ਪਾਜ਼ਿਟਿਵ ਪਾਏ ਜਾ ਚੁੱਕੇ ਹਨ।
ਇਸ ਦਰਮਿਆਨ 3 ਮਰੀਜ਼ਾਂ ਦੀ ਇਸ ਵਾਇਰਸ ਕਾਰਨ ਜਾਨ ਵੀ ਚਲੀ ਗਈ ਹੈ।
ਹਸਪਤਾਲ 'ਚ ਹੁਣ ਉਸ ਵੇਲੇ ਤੱਕ ਕਿਸੇ ਮਰੀਜ਼ ਨੂੰ ਦਾਖਿਲ ਨਹੀਂ ਕੀਤਾ ਜਾ ਰਿਹਾ, ਜਦੋਂ ਤੱਕ ਕਿ ਕਿਸੇ ਮਰੀਜ਼ ਦੀ ਜਾਨ ਦਾ ਸਵਾਲ ਨਾ ਬਣਿਆ ਹੋਵੇ।
ਹੈਲਥ ਅਜੈਂਸੀ ਦਾ ਕਹਿਣਾ ਹੈ ਕਿ ਸੇਵਾਵਾਂ ਹਾਸਿਲ ਕਰਨ ਲਈ ਆਉਣ ਵਾਲੇ ਮਰੀਜ਼ਾਂ ਨਾਲ ਸੰਪਰਕ ਬਣਾ ਕੇ ਉਨ੍ਹਾਂ ਲਈ ਹੋਰ ਹਸਪਤਾਲਾਂ 'ਚ ਸੇਵਾਵਾਂ ਪ੍ਰਦਾਨ ਕਰਨ ਦਾ ਇੰਤਜ਼ਾਮ ਕੀਤਾ ਜਾ ਰਿਹਾ ਹੈ।
