11.65C Vancouver 11.65C VancouverMay 21, 2025 6:36 PM - Connect Newsroom
ਬੀਸੀ ਵਿਚ ਲਾਈਫਲੈਬਜ਼ ਦੇ ਸਾਰੇ ਸਥਾਨਾਂ 'ਤੇ ਵਰਕਰਾਂ ਦੀ ਵਾਰੋ-ਵਾਰੀ ਚੱਲ ਰਹੀ ਹੜਤਾਲ ਸਮਾਪਤ ਹੋ ਗਈ ਹੈ ਕਿਉਂਕਿ ਕੰਪਨੀ ਅਤੇ ਯੂਨੀਅਨ ਸਰਕਾਰ ਵਲੋਂ ਨਿਯੁਕਤ ਵਿਚੋਲੇ ਦੇ ਰਾਹੀਂ ਤਿੰਨ ਸਾਲਾਂ ਲਈ ਇੱਕ ਸਮਝੌਤੇ 'ਤੇ ਪਹੁੰਚ ਗਏ ਹਨ। ਲਾਈਫਲੈਬਜ਼ ਦੇ 1,200 ਵਰਕਰ ਫਰਵਰੀ ਤੋਂ ਹੜਤਾਲ ਵਿਚ ਸ਼ਾਮਲ ਸਨ। ਉਨ੍ਹਾਂ ਵਲੋਂ ਰੋਟੇਟਿੰਗ ਵਿਚ ਕੰਮ ਬੰਦ ਕੀਤਾ ਜਾ ਰਿਹਾ ਸੀ।
ਯੂਨੀਅਨ ਨੇ ਤਨਖਾਹਾਂ, ਭੱਤਿਆਂ 'ਤੇ ਕੰਮ ਕਰਨ ਦੀਆਂ ਸਥਿਤੀਆਂ ਨੂੰ ਲੈ ਕੇ ਹੜਤਾਲ ਸ਼ੁਰੂ ਕੀਤੀ ਸੀ। ਹਾਲਾਂਕਿ, ਦੋਹਾਂ ਧਿਰਾਂ ਵਿਚਕਾਰ ਨਵਾਂ ਸਮਝੌਤਾ ਕਿਹੜੀਆਂ ਸ਼ਰਤਾਂ 'ਤੇ ਹੋਇਆ ਹੈ, ਇਸ ਦੇ ਵੇਰਵੇ ਨਹੀਂ ਦਿੱਤੇ ਗਏ। ਯੂਨੀਅਨ ਅਤੇ ਕੰਪਨੀ ਅਪ੍ਰੈਲ 2024 ਤੋਂ ਬਿਨਾਂ ਕੰਟਰੈਕਟ ਦੇ ਕੰਮ ਕਰ ਰਹੇ ਸਨ।
ਗੌਰਤਲਬ ਹੈ ਕਿ ਲਾਈਫਲੈਬਜ਼ ਬ੍ਰਿਟਿਸ਼ ਕੋਲੰਬੀਆ ਵਿਚ ਸਭ ਤੋਂ ਵੱਡੀ ਪ੍ਰਾਈਵੇਟ ਮੈਡੀਕਲ ਲੈਬਾਰਟਰੀ ਟੈਸਟਿੰਗ ਕੰਪਨੀ ਹੈ, ਇਸ ਦੀ ਮਾਲਕੀ ਅਮਰੀਕਾ ਬੇਸਡ ਕੰਪਨੀ ਕੁਐਸਟ ਡਾਇਗਨੌਸਟਿਕਸ ਕੋਲ ਹੈ।
