ਅਮਰੀਕਾ ਵਿਚ ਟਿਕਟਾਕ ’ਤੇ ਅਗਲੇ ਹਫਤੇ ਦੇ ਅੰਤ ਤੋਂ ਲਾਗੂ ਹੋ ਸਕਦੀ ਹੈ ਪਾਬੰਦੀ

ਅਮਰੀਕਾ ਵਿਚ ਟਿਕਟਾਕ ’ਤੇ ਅਗਲੇ ਹਫ਼ਤੇ ਦੇ ਅੰਤ ਵਿਚ ਪਾਬੰਦੀ ਲਾਗੂ ਹੋ ਸਕਦੀ ਹੈ। ਗੋਪਨੀਯਤਾ ਦੀਆਂ ਚਿੰਤਾਵਾਂ ਦੇ ਚੱਲਦੇ ਰਾਸ਼ਟਰਪਤੀ ਬਾਈਡੇਨ ਨੇ ਇਸ ਸਬੰਧੀ ਪਿਛਲੇ ਸਾਲ ਅਪ੍ਰੈਲ ਵਿਚ ਕਾਨੂੰਨ ’ਤੇ ਦਸਤਖ਼ਤ ਕੀਤੇ ਸਨ ਅਤੇ ਟਿਕਟਾਕ ਦੀ ਚੀਨੀ ਮੂਲ ਕੰਪਨੀ ਬਾਈਟਡਾਂਸ ਨੂੰ 19 ਜਨਵਰੀ ਤੱਕ ਦਾ ਸਮਾਂ ਦਿੱਤਾ ਸੀ ਕਿ ਜਾਂ ਤਾਂ ਉਹ ਅਮਰੀਕਾ ਵਿਚ ਆਪਣੇ ਬਿਜ਼ਨੈੱਸ ਵਿਚੋਂ ਹਿੱਸੇਦਾਰੀ ਵੇਚ ਕੇ ਨਿਕਲ ਜਾਵੇ ਨਹੀਂ ਤਾਂ ਉਸ ਨੂੰ ਬੈਨ ਦਾ ਸਾਹਮਣਾ ਕਰਨਾ ਪਵੇਗਾ।

ਜੇ ਇਹ ਬੈਨ ਪ੍ਰਭਾਵੀ ਹੁੰਦਾ ਹੈ ਤਾਂ ਅਮਰੀਕਾ ਵਿਚ ਐਪ ਸਟੋਰ ਤੋਂ ਟਿਕਟਾਕ ਨੂੰ ਹਟਾ ਦਿੱਤਾ ਜਾਵੇਗਾ।

ਇਸ ਨਾਲ ਕਰੀਬ 170 ਮਿਲੀਅਨ ਅਮਰੀਕੀ ਉਪਭੋਗਤਾ ਪ੍ਰਭਾਵਿਤ ਹੋਣਗੇ। ਲੋਕ ਅਜੇ ਵੀ ਇਸ ਨੂੰ ਫ਼ੋਨ ਵਿਚ ਰੱਖ ਸਕਣਗੇ ਪਰ ਅਪਡੇਟ ਤੋਂ ਬਿਨਾਂ ਇਹ ਖੁਦ ਹੀ ਸਮੇਂ ਦੇ ਨਾਲ ਡੀਗ੍ਰੇਡ ਹੋ ਜਾਵੇਗੀ ਅਤੇ ਦੂਜਾ ਅਜਿਹਾ ਹੋਣ ਤੋਂ ਪਹਿਲਾਂ ਹੀ ਕੰਪਨੀ ਉਪਭੋਗਤਾਵਾਂ ਨੂੰ ਉਸ ਦੀ ਐਪ ਤੱਕ ਪਹੁੰਚ ਬਲਾਕ ਕਰ ਸਕਦੀ ਹੈ।