11.8C Vancouver 11.8C VancouverJun 29, 2020 4:53 PM -
ਟਿਮ ਹੋਰਟਨਜ਼ ਦੀ ਮੋਬਾਈਲ ਆਰਡਰ ਵਾਲੀ ਐਪ ਦੀ ਕੈਨੇਡਾ ਦੇ ਪ੍ਰਾਈਵੇਸੀ ਕਮਿਸ਼ਨਰ, ਅਤੇ ਕਿਊਬੈਕ, ਬੀ.ਸੀ. ਤੇ ਅਲਬਰਟਾ ਦੀਆਂ ਸੂਬਾਈ ਏਜੰਸੀਆਂ ਵੱਲੋਂ ਜਾਂਚ ਕੀਤੀ ਜਾਂ ਰਹੀ ਹੈ।
ਇਹ ਸੰਯੁਕਤ ਜਾਂਚ ਮੀਡੀਆ ਵਿੱਚ ਕੁਝ ਅਜਿਹੀਆਂ ਖਬਰਾਂ ਆਉਣ ਤੋਂ ਬਾਅਦ ਸ਼ੁਰੂ ਕੀਤੀ ਗਈ ਕਿ ਇਹ ਐਪ ਲੋਕਾਂ ਦੀਆਂ ਰੋਜ਼ਾਨਾ ਗਤੀਵਿਧੀਆਂ ਦੌਰਾਨ ਉਹਨਾਂ ਦੀ ਆਵਾਜਾਈ ਨਾਲ ਸੰਬੰਧਿਤ ਡਾਟਾ ਇਕੱਠਾ ਕਰਕੇ ਇਸਤੇਮਾਲ ਕਰ ਰਹੀ ਹੋ ਸਕਦੀ ਹੈ।
ਇਸ ਜਾਂਚ ਵਿੱਚ ਇਹ ਨਿਰਧਾਰਿਤ ਕੀਤਾ ਜਾਵੇਗਾ ਕਿ ਰੇਸਟੌਰੈਂਟਜ਼ ਬ੍ਰੈਂਡਜ਼ ਇੰਟਰਨੈਸ਼ਨਲ ਦੀ ਇਸ ਫਾਸਟ ਫੂਡ ਚੇਨ ਵੱਲੋਂ ਕੈਨੇਡਾ ਦੇ ਪ੍ਰਾਈਵੇਟ ਸੈਕਟਰ ਦੇ ਲਈ ਬਣੇ ਫ਼ੈਡਰਲ ਪ੍ਰਾਈਵੇਸੀ ਕਾਨੂੰਨ, 'ਪਰਸਨਲ ਇੰਫੋਰਮੇਸ਼ਨ ਪ੍ਰੋਟੇਕਸ਼ਣ ਐਂਡ ਈਲੈਕਟਰੋਨਿਕ ਡੋਕਯੁਮੈਂਟਸ ਐਕਟ' ਦੀ ਉਲੰਘਣਾ ਕੀਤੀ ਗਈ ਹੈ ਜਾਂ ਨਹੀਂ।
ਪ੍ਰਾਈਵੇਸੀ ਏਜੰਸੀਆਂ ਇਹ ਪਤਾ ਲਗਾਉਣਗੀਆਂ ਕਿ ਐਪ ਵਰਤਣ ਵਾਲੇ ਲੋਕਾਂ ਦਾ 'ਲੋਕੇਸ਼ਨ ਡਾਟਾ' ਇਕੱਠਾ ਕਰਕੇ ਵਰਤਣ ਤੋਂ ਪਹਿਲਾਂ ਉਹਨਾਂ ਦੀ ਇਜਾਜ਼ਤ ਲਈ ਜਾ ਰਹੀ ਹੈ ਜਾਂ ਨਹੀਂ। ਇਸ ਡਾਟਾ ਰਾਹੀਂ ਐਪ ਵਰਤਣ ਵਾਲੇ ਵਿਅਕਤੀ ਦੀਆਂ ਆਦਤਾਂ ਅਤੇ ਗਤੀਵਿਧੀਆਂ ਬਾਰੇ ਪਤਾ ਲੱਗਦਾ ਹੈ।
ਫੈਡਰਲ ਪ੍ਰਾਈਵੇਸੀ ਕਮਿਸ਼ਨਰ ਦੇ ਦਫ਼ਤਰ ਦਾ ਕਹਿਣਾ ਹੈ ਕਿ ਉਹ ਇਸ ਨੂੰ ਬੇਹੱਦ ਮਹੱਤਵਪੂਰਨ ਮਾਮਲਾ ਸਮਝਦੇ ਹਨ ਕਿਉਂਕਿ ਇਹ ਕੈਨੇਡਾ ਵਾਸੀਆਂ ਦੀ ਨਿੱਜਤਾ ਨਾਲ ਸੰਬੰਧਿਤ ਬਹੁਤ ਸੰਵੇਦਨਸ਼ੀਲ ਸਵਾਲ ਖੜੇ ਕਰਦਾ ਹੈ।
ਰੇਸਟੌਰੈਂਟਜ਼ ਬ੍ਰੈਂਡਜ਼ ਇੰਟਰਨੈਸ਼ਨਲ ਨੂੰ ਉਹਨਾਂ ਦੀ ਟਿੱਪਣੀ ਲਈ ਫ਼ਿਲਹਾਲ ਸੰਪਰਕ ਨਹੀਂ ਕੀਤਾ ਜਾ ਸਕਿਆ।
