11.81C Vancouver 11.81C VancouverFeb 12, 2024 6:21 PM - The Canadian Press
ਮੈਨੀਟੋਬਾ ਵਿਚ ਬੀਤੇ ਐਤਵਾਰ 5 ਲੋਕਾਂ ਦੀ ਦਰਦਨਾਕ ਮੌਤ ਹੋਣ ਦੀ ਖਬਰ ਹੈ। ਇਸ ਸੰਬੰਧ ਵਿਚ ਇਕ 29 ਸਾਲਾ ਸ਼ੱਕੀ ਵਿਅਕਤੀ ਨੂੰ ਹਿਰਾਸਤ ਵਿਚ ਲਿਆ ਗਿਆ ਹੈ ਪਰ ਉਸ ’ਤੇ ਅਜੇ ਕੋਈ ਵੀ ਚਾਰਜ ਨਹੀਂ ਲਗਾਇਆ ਗਿਆ ਹੇ।
ਆਰ.ਸੀ.ਐੱਮ.ਪੀ.ਦਾ ਮੰਨਣਾ ਹੈ ਕਿ ਸ਼ੱਕੀ ਵਿਅਤਕੀ ਅਤੇ ਪੀੜਤ ਇਕ-ਦੂਜੇ ਨੂੰ ਜਾਣਦੇ ਸਨ। ਆਰ.ਸੀ.ਐੱਮ.ਪੀ ਅਨੁਸਾਰ ਇਹ 5 ਮੌਤਾਂ ਕਾਰਮੈਨ ਨੇੜੇ 3 ਵੱਖ-ਵੱਖ ਜਗ੍ਹਾ ’ਤੇ ਹੋਈਆਂ। ਲਗਭਗ 3,000 ਲੋਕਾਂ ਦੀ ਇਹ ਕਮਿਊਨਿਟੀ ਵਿਨੀਪੈਗ ਤੋਂ ਲਗਭਗ 80 ਕਿਲੋਮੀਟਰ ਦੱਖਣ-ਪੱਛਮ ਵਿੱਚ ਸਥਿਤ ਹੈ।
ਪੁਲਿਸ ਅਨੁਸਾਰ ਕਾਰਮੈਨ ਆਰ.ਸੀ.ਐੱਮ.ਪੀ. ਨੂੰ ਸਵੇਰੇ ਲਗਭਗ 7:30 ਵਜੇ ਕਾਰਮੈਨ ਤੋਂ ਕਰੀਬ 6 ਕਿਲੋਮੀਟਰ ਦੱਖਣ ਵਿਚ ਹਾਈਵੇਅ ’ਤੇ ਇਕ ਹਿੱਟ ਐਂਡ ਰਨ ਦੀ ਸੂਚਨਾ ਮਿਲੀ। ਆਰ.ਸੀ.ਐੱਮ.ਪੀ. ਦੇ ਇੰਸਪੈਕਟਰ ਟਿਮ ਆਰਸੇਨੌਲਟ ਅਨੁਸਾਰ ਅਧਿਕਾਰੀਆਂ ਨੂੰ ਮੌਕੇ ’ਤੇ ਇਕ ਖੱਡ ਵਿਚ ਇਕ ਔਰਤ ਦੀ ਲਾਸ਼ ਮਿਲੀ ਜਿਸ ਦੀ ਮੌਤ ਹੋ ਚੁੱਕੀ ਸੀ। ਲਗਭਗ 10 ਵਜੇ ਹੈਡਿੰਗਲੇ ਆਰ.ਸੀ.ਐੱਮ.ਪੀ. ਨੂੰ ਹਾਈਵੇਅ 248 ’ਤੇ ਇਕ ਅੱਗ ਲੱਗੇ ਵਾਹਨ ਦੀ ਸੂਚਨਾ ਮਿਲੀ।
ਅਧਿਕਾਰੀਆਂ ਵਲੋਂ ਮੌਕੇ ’ਤੇ ਵਾਹਨ ਵਿਚੋਂ 3 ਬੱਚਿਆਂ ਨੂੰ ਕੱਢਿਆ ਗਿਆ ਪਰ ਬਦਕਿਸਮਤੀ ਨਾਲ ਉਨ੍ਹਾਂ ਦੀ ਵੀ ਮੌਤ ਹੋ ਚੁੱਕੀ ਸੀ। ਪੁਲਿਸ ਨੇ ਸ਼ੱਕੀ ਨੂੰ ਮੌਕੇ ’ਤੇ ਹੀ ਵਾਹਨ ਕੋਲੋਂ ਗ੍ਰਿਫਤਾਰ ਕਰ ਲਿਆ ਸੀ। ਜਾਂਚ ਦੌਰਾਨ ਪੁਲਸ ਕਾਰਮੈਨ ਦੇ ਇਕ ਘਰ ਪਹੁੰਚੀ ਜਿਥੇ ਉਨ੍ਹਾਂ ਨੂੰ ਇਕ ਹੋਰ ਔਰਤ ਦੀ ਲਾਸ਼ ਮਿਲ਼ੀ। ਮੈਨੀਟੋਬਾ ਦੇ ਪ੍ਰੀਮੀਅਰ ਵਾਬ ਕਿਨਿਊ ਵਲੋਂ ਵੀ ਇਸ ਘਟਨਾ ’ਤੇ ਦੁਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ।
